ବେଜିଂ: ଚୀନର ବନ୍ଦର ସହର ତିଆନଜିନରେ ବୁଧବାର ବିଳମ୍ବିତ ରାତିରେ ଘଟିଥିବା ବିସ୍ଫୋରଣରେ ମୃତକଙ୍କ ସଂଖ୍ୟା ୧୧୨କୁ ବୃଦ୍ଧି ପାଇଛି। ୫ଶହରୁ ଅଧିକ ଲୋକଙ୍କ ଆହତ ହୋଇ ଚିକିତ୍ସିତ ହେଉଛନ୍ତି। ଆଜି ଯାଏଁ ୯୫ ଲୋକଙ୍କ ସନ୍ଧାନ ମିଳୁନାହିଁ। ଘଟଣାସ୍ଥଳରେ ଥିବା ୨,୫୦୦ ଯାନବାହାନ ପୋଡି ପାଉଁଶ ହୋଇଯାଇଛି।
ବନ୍ଦର ନିକଟରେ ଥିବା ଏକ ଗୋଦାମ ଘରେ ହୋଇଥିଲା ଏହି ବିସ୍ଫୋରଣ। ଗୋଦାମ ଘରେ ବିସ୍ଫୋରକ ଓ ଦହନଶୀଳ ସାମଗ୍ରୀ ରହିଥିଲା। ପ୍ରଥମେ ଗୋଦାମ ଘରେ ନିଆଁ ଜଳୁଥିବା ଦେଖିବାକୁ ମିଳିଥିଲା। ପରେ ପରେ ଦୁଇଟି ବଡ଼ ବିସ୍ଫୋରଣ ହୋଇଥିଲା। ବିସ୍ଫୋରଣ ପରେ ନିଆଁ ହୁଳା ଗୋଦାମ ଘରର ପାଖରେ ଥିବା ଅନ୍ୟାନ୍ୟ ସ୍ଥାନରେ ମଧ୍ୟ ପଡ଼ିଥିଲା। ବିସ୍ଫୋରଣ ପରେ ଗୋଦାମ ଘର ଆଖପାଖ ଅଞ୍ଚଳରୁ ପ୍ରାୟ ୧୦ ହଜାର ଲୋକଙ୍କୁ ସୁରକ୍ଷିତ ସ୍ଥାନକୁ ନିଆଯାଇଥିଲା। ବିସ୍ଫୋରଣ ପରେ ଉଠିଥିବା ଧୂଆଁ ଓ ନିଆଁ ସହରର ବହୁ ଦୂର ପର୍ଯ୍ୟନ୍ତ ଦେଖିବାକୁ ମିଳିଥିଲା। କିଛି ସମୟ ପର୍ଯ୍ୟନ୍ତ ପୂରା ସହରର ଉପରେ ଏକ ଧୂଆଁର ବଳୟ ସୃଷ୍ଟି ହୋଇଯାଇଥିଲା
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
