ୱାଶିଂଟନ: ଚାଇନାକୁ କରୋନା ମହମାରୀ କ୍ଷେତ୍ରରେ ସହଯୋଗ କରୁଥିବା ଅଭିଯୋଗ କରି ବିଶ୍ୱ ସ୍ୱାସ୍ଥ୍ୟ ସଂଗଠନ(ହୁ)କୁ ପାଣ୍ଠି ଯୋଗାଣ ବନ୍ଦ କରିଥିବା ଆମେରିକା ଏବେ ୟୁ-ଟର୍ଣ୍ଣ ନେଇଛି। ପୁଣିଥରେ ହୁ’କୁ ଆମେରିକା ପାଣ୍ଠି ଦେବ ବୋଲି ଜଣାପଡ଼ିଛି। ଏ ସମ୍ପର୍କରେ ଟ୍ରମ୍ପ ପ୍ରଶାସନ ଏକ ଡ୍ରାଫ୍ଟ ମଧ୍ୟ ପ୍ରସ୍ତୁତ କରିଛି।
ସୂତ୍ର ଅନୁସାରେ, ଚାଇନା ଯେଉଁ ପରିମାଣର ପାଣ୍ଠି ହୁ’କୁ ଯୋଗାଇ ଦେଉଛି, ସମାନ ପରିମାଣର ଅର୍ଥ ସାମୟିକ ଭାବେ ଆମେରିକା ମଧ୍ୟ ଦେବ। ତେବେ କେବେ ଠାରୁ ଏହି ଅର୍ଥ ଦିଆଯିବ ଓ ଏହାର ପରିମାଣ କେତେ ରହିବ, ସେକଥା କୁହାଯାଇ ନାହିଁ।
କରୋନା ଭାଇରସ ଚାଇନାରୁ ସୃଷ୍ଟି ହୋଇଥିଲେ ହେଁ ହୁ’ ଏହାକୁ ସମଗ୍ର ବିଶ୍ୱ ଠାରୁ ଲୁଚାଇ ରଖିଥିଲା ବୋଲି ଆମେରିକା ଅଭିଯୋଗ କରିଥିଲା। ଏଥିସହ ଚାଇନା କଥାରେ ପଡ଼ି ସମଗ୍ର ବିଶ୍ୱକୁ ହୁ’ ବିପଦ ମୁହଁ ଠେଲି ଦେଖଇଥିବା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଥିଲେ।
ଏହାପରେ ଏପ୍ରିଲ ୧୪ରୁ ଟ୍ରମ୍ପଙ୍କ ନିର୍ଦ୍ଦେଶରେ ଆମେରିକା ହୁ’କୁ ପାଣ୍ଠି ଯୋଗାଣ ବନ୍ଦ କରିବା ନିଷ୍ପତ୍ତି ସମ୍ପର୍କରେ ଘୋଷଣା କରିଥିଲା। ବିଶ୍ୱର ଅନ୍ୟ ରାଷ୍ଟ୍ରଗୁଡ଼ିକ ତୁଳନାରେ ହୁ’କୁ ଆମେରିକା ହିଁ ସବୁଠାରୁ ଅଧିକ ଅର୍ଥ ଦେଇଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
