ହାଇଦ୍ରାବାଦ: ରାଜନୀତିରେ ହାର ଜିତ ଲାଗି ରହିଛି। ହେଲେ ନିର୍ବାଚନରେ ପରାସ୍ତ ହେବା ପରେ ନେତା ଦୁଃଖ ସହି ନ ପାରି ଅସୁସ୍ଥ ହେବା ଘଟଣା କ୍ଵଚିତ ଘଟିଥାଏ। ମଙ୍ଗଳବାର ତେଲେଙ୍ଗାନା ନିର୍ବାଚନରେ ପରାଜୟ ବରଣ କରିଥିବା ୨ ଜଣ ନେତା ଦୁଃଖ ସହି ନପାରି ହସ୍ପିଟାଲ୍ରେ ଭର୍ତ୍ତି ହୋଇଛନ୍ତି। ନାଲଗୋଣ୍ଡାରୁ ନିର୍ବାଚନ ଲଢ଼ୁଥିବା କଂଗ୍ରେସର କୋମାତରେଡ୍ଡୀ ଭେଙ୍କଟ ରେଡ୍ଡୀ ପ୍ରତିଦ୍ୱନ୍ଦ୍ୱିତା କରୁଥିଲେ। ହେଲେ ସେ ଶୋଚନୀୟ ଭାବେ ପରାସ୍ତ ହୋଇଛନ୍ତି। ଏହି ଖବର ଶୁଣିବା ପରେ ସେ ଅସୁସ୍ଥ ହୋଇ ପଡ଼ିଥିଲେ। ତାଙ୍କୁ ତୁରନ୍ତ ସମର୍ଥକମାନେ ହସ୍ପିଟାଲ୍ରେ ଭର୍ତ୍ତି କରିଛନ୍ତି।
ସେହିପରି ଟିଆର୍ଏସ୍ର ତୁମାଲା ନାଗେଶ୍ୱର ରାଓ ପଲାଇର ଆସନରୁ ଛିଡ଼ା ହୋଇଥିଲେ। ସେ କଂଗ୍ରେସ ପ୍ରାର୍ଥୀଙ୍କଠାରୁ ହାରିଛନ୍ତି। ଏହି ଖବର ଶୁଣିବା ପରେ ସେ ଅଚେତ ହୋଇ ତଳେ ପଡ଼ିଯାଇଥିଲେ। ତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା।
ପୂର୍ବତନ ମନ୍ତ୍ରୀ ନାଗେଶ୍ୱର ମାତ୍ର ୭୬୬୯ ଖଣ୍ଡ ଭୋଟରେ ପରାସ୍ତ ହୋଇଛନ୍ତି। କୋମାତରେଡ୍ଡୀ ଟିଆରଏସ୍ ପ୍ରାର୍ଥୀଙ୍କଠାରୁ ୮,୬୩୩ ଖଣ୍ଡ ଭୋଟରେ ହାରିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।