ନୂଆଦିଲ୍ଲୀ( ଓଡ଼ିଶା ରିପୋର୍ଟର): ଅଣସଂଗଠିତ କ୍ଷେତ୍ରର କର୍ମଚାରୀଙ୍କ ପାଇଁ ଖୁସି ଖବର। ସେମାନଙ୍କୁ ୬୦ ବର୍ଷ ହେବା ପରେ ମାସକୁ ୩୦୦୦ ହଜାର ଟଙ୍କା ଭତ୍ତା ବା ପେନ୍ସନ ମିଳିବ। ପ୍ରଧାନମନ୍ତ୍ରୀ ଶ୍ରମ ଯୋଗୀ ମନଧନ ଯୋଜନା ମାଧ୍ୟମରେ ଏହି ସହାୟତା ପ୍ରଦାନ କରାଯିବ। ଅର୍ଥମନ୍ତ୍ରୀ ପୀୟୂଷ ଗୋଏଲ୍ ଏହି ଘୋଷଣା କରିଛନ୍ତି।
ଏଥିପାଇଁ ହିତାଧିକାରୀଙ୍କୁ ମାସକୁ ୧୦୦ ଟଙ୍କା ଲେଖାଏଁ ବହନ କରିବାକୁ ପଡ଼ିବ। ଦେଶରେ ଅଧିକାଶଂ କର୍ମଚାରୀ ଅଣ ସଂଗଠିତ କ୍ଷେତ୍ରରେ କାର୍ଯ୍ୟକରୁଥିବା ବେଳେ ସେମାନଙ୍କ ଆର୍ଥିକ ସୁରକ୍ଷାକୁ ନେଇ କୌଣସି ସୁବିଧା ନାହିଁ। ଏହି ଯୋଜନା କାର୍ଯ୍ୟକାରୀ ହେଲେ ହାଉସ୍ହୋଲ୍ଡ୍ ହେଲ୍ପର, ଡ୍ରାଇଭର, ପାଇପ୍ ମସ୍ତ୍ରୀ, ଇଲେକ୍ଟ୍ରିସିଆନଙ୍କ ଠାରୁ ଆରମ୍ଭ କରି ଭଣ୍ଡାରି, ଧୋବା, ବଢ଼େଇ ଆଦି କୋଟି କୋଟି ଗରିବ ନିମ୍ନ ମଧ୍ୟବିତ୍ତ ଅଣ ସଂଗଠିତ କ୍ଷେତ୍ରର କର୍ମଚାରୀ ଉପକୃତ ହେବେ ବୋଲି ଗୋୟଲ କହିଛନ୍ତି। ଏହା ଦ୍ୱାରା ଅତି କମ୍ରେ ୧୦ କୋଟି ଅଣସଂଗଠିତ କ୍ଷେତ୍ରର କର୍ମଚାରୀ ଉପକୃତ ହେବେ। ଏହି ଯୋଜନା ପାଇଁ ସରକାରଙ୍କୁ ୫୦୦ କୋଟି ଟଙ୍କା ଆର୍ଥିକ ବୋଝ ବହନ କରିବାକୁ ପଡ଼ିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
