ନୂଆଦିଲ୍ଲୀ: ମାତା ବୈଷ୍ଣୋଦେବୀଙ୍କ ଦର୍ଶନ ବାଧାପ୍ରାପ୍ତ ହୋଇଛି। ତ୍ରିକୁଟା ଜଙ୍ଗଲରେ ଭୀଷଣ ଅଗ୍ନିକାଣ୍ଡ ଯୋଗୁଁ ଯାତ୍ରାକୁ ସ୍ଥାନୀୟ ପ୍ରଶାସନ ବନ୍ଦ ରଖିଛି। ବୈଷ୍ଣୋଦେବୀଙ୍କୁ ପ୍ରତିଦିନ ପ୍ରାୟ ୩୫ ହଜାର ଶ୍ରଦ୍ଧାଳୁ ଦର୍ଶନ କରିଥାନ୍ତି। ତ୍ରିକୁଟା ଜଙ୍ଗଲରେ ନିଆଁ ଲାଗିଥିବା ଯୋଗୁଁ ରାସ୍ତାରେ ପ୍ରାୟ ୧୦ ହଜାର ଶ୍ରଦ୍ଧାଳୁ ଅଟକି ରହିଛନ୍ତି।
ସୂଚନା ଅନୁଯାୟୀ ଯାତ୍ରୀମାନଙ୍କୁ ସୁରକ୍ଷିତ ଭାବେ କାଟରା ବେସ୍ କ୍ୟାମ୍ପକୁ ସ୍ଥାନାନ୍ତର କରାଯାଇଛି। ଅନ୍ୟ କିଛି ଯାତ୍ରୀଙ୍କୁ ହିମକୋଟି ମାର୍ଗକୁ ସ୍ଥାନାନ୍ତର କରାଯାଇଛି। ଜଙ୍ଗଲରେ ଲାଗିଥିବା ନିଆଁକୁ ଲିଭାଇବାକୁ ସେନାର ହେଲିକପ୍ଟରର ସହାୟତା ନିଆଯାଉଛି। ହେଲିକପ୍ଟରରେ ଉପରୁ ଜଙ୍ଗଲରେ ପାଣି ପକାଯାଉଛି। ନିଆଁ ଲିଭାଇବାକୁ ସିଆରପିଏଫ୍ର ପ୍ରାୟ ୨୦୦ ସୁରକ୍ଷାକର୍ମୀ ନିୟୋଜିତ ହୋଇଛନ୍ତି। ଯାତ୍ରୀଙ୍କ ସୁରକ୍ଷା ଲାଗି ବୈଷ୍ଣୌଦେବୀ ମନ୍ଦିର ଟ୍ରଷ୍ଟ ପକ୍ଷରୁ ସମସ୍ତ ବ୍ୟବସ୍ଥା କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।