ଲସ୍ ଏଞ୍ଜେଲ୍ସ: ଏକ ଗଧ ଏବଂ ମଣିଷ ଏକାଠି ଗୀତ ଗାଉଥିବାର ଭିଡିଓ ଏବେ ଭାଇରାଲ ହେବାରେ ଲାଗିଛି। ସପ୍ତାହେ ତଳେ କାଲିଫର୍ଣ୍ଣିଆର ଟ୍ରାଭିସ୍ କିନ୍ଲି ନାମକ ଜଣେ ବ୍ୟକ୍ତି ‘ଦି ଲାୟନ୍ କିଙ୍ଗ’ ଫିଲ୍ମର ଗୀତ ‘ସର୍କଲ ଅଫ୍ ଲାଇଫ୍’ ଗାଇ ଏକ ଭିଡିଓ କରିଥିଲେ। କିନ୍ତୁ ସାଙ୍ଗରେ ଥିବା ନେଥନ୍ ନାମକ ଏକ ଗଧ ତାଙ୍କ ସହ ତାଳ ଦେଇ ବୋବାଇବାକୁ ଆରମ୍ଭ କରିଥିଲା। ନେଥନ୍ର ବୋବାଇବା ଶୈଳୀ ଏମିତି ଯେ ଯେ କେହି ଶୁଣିଲେ ତାଜୁବ୍ ହେବ।
ଏନେଇ କିନ୍ଲି କହିଛନ୍ତି, ମୁଁ ଭାବିନଥିଲି ଏମିତି ହେବ। ଆପଣମାନେ ଭିଡିଓରେ ଦେଖିଥିବେ, ସେ ଏପରି କରିବା ପରେ ମୁଁ କେମିତି ଚମ୍କି ପଡ଼ିଛି। ସେ ୟା ଆଗରୁ ଅନେକ ଥର ବୋବାଇଛି, କିନ୍ତୁ ଏମିତି କେବେ ନୁହେଁ।
ଏହି ଭିଡିଓଟି ବର୍ତ୍ତମାନ ଲକ୍ଷ ଲକ୍ଷ ସଂଖ୍ୟାରେ ଦର୍ଶକ ଦେଖିସାରିଲେଣି। ଆପଣ ମଧ୍ୟ ଦେଖିନିଅନ୍ତୁ ଏହି ମଜାଦାର ଭିଡିଓ।
https://www.facebook.com/travis.kinley/videos/10216809100434042/
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
