ମହା-ସରକାରକୁ ସପ୍ତାହେ ପୁରିଲା, ବିଭାଗ ପାଇନାହାନ୍ତି ମନ୍ତ୍ରୀ

ମୁମ୍ବାଇ: ଶିବସେନା ମୁଖ୍ୟ ଉଦ୍ଧବ ଠାକ୍‌ରେ ମୁଖ୍ୟମନ୍ତ୍ରୀ ଏବଂ ଅନ୍ୟ ୬ ଜଣ ମନ୍ତ୍ରୀ ଶପଥ ନେବାର ସପ୍ତାହେ ବିତିସାରିଲାଣି। କିନ୍ତୁ ଏଯାଏ ମନ୍ତ୍ରୀମାନଙ୍କୁ ବିଭାଗ ମିଳିପାରିନାହିଁ। କଂଗ୍ରେସ ଏବଂ ଏନ୍‌ସିପି ମଧ୍ୟରେ ମନ୍ତ୍ରୀପଦକୁ ନେଇ ରହିଥିବା ଦ୍ୱନ୍ଦ୍ୱାତ୍ମକ ସ୍ଥିତି ଏଥିପାଇଁ ଦାୟୀ ବୋଲି କୁହାଯାଉଛି।

ସୂଚନାଯୋଗ୍ୟ ଯେ, ଗତ ନଭେମ୍ବର ୨୮ରେ ଠାକ୍‌ରେ ଙ୍କ ସହ ଏନ୍‌ସିପିରୁ ଜୟନ୍ତ ପାଟିଲ ଓ ଛଗନ ଭୁଜବଳ, କଂଗ୍ରେସରୁ ବାଲାସାହେବ ଥରୋଟ୍‌ ଓ ନୀତୀନ ରାଉତ ଏବଂ ଶିବେସେନାରୁ ଏକନାଥ ସିନ୍ଦ ଓ ସୁଭାଷ ଦେଶାଇ ଶପଥ ନେଇଥିଲେ।

ଜଣେ ମନ୍ତ୍ରୀ ଏହି ପ୍ରସଙ୍ଗରେ କହିଛନ୍ତି, “ଯଥା ଶୀଘ୍ର ମନ୍ତ୍ରୀମାନଙ୍କୁ ଦାୟିତ୍ୱ ମିଳିଯିବ ବୋଲି ଆଶା କରୁଛୁ, କିନ୍ତୁ ଗୁରୁତ୍ୱପୂର୍ଣ୍ଣ ବିଭାଗ ପାଇଁ ସମସ୍ତଙ୍କ ଆଗ୍ରହ କାରଣରୁ ଏଥିରେ ବିଳମ୍ବ ହେଉଥିବା କୁହାଯାଉଛି। ନିର୍ବାଚନ ସରିବାକୁ ଇତିମଧ୍ୟରେ ମାସେ ବିତିଯାଇଥିବାରୁ ଏହି ବିଳମ୍ବ ଶାସନଗତ ସମସ୍ୟା ମଧ୍ୟ ସୃଷ୍ଟି କରୁଛି।”

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।