ଇସଲାମାବାଦ: ମହିଳାମାନେ ପିନ୍ଧୁଥିବା ପୋଷାକ ପାଇଁ ଦେଶରେ ଦୁଷ୍କର୍ମ ସଂଖ୍ୟା ବଢ଼ୁଛି ବୋଲି କହିଛନ୍ତି ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ। ଇମ୍ରାନ ଖାନଙ୍କ ଏପରି ବୟାନକୁ ନେଇ ତାଙ୍କୁ ସୋଶାଲ ମିଡିଆରେ ତୀବ୍ର ସମାଲୋଚନା କରାଯାଇଛି। ଗୋଟିଏ ସାକ୍ଷାତକାରରେ ଇମ୍ରାନ ଖାନ କହିଛନ୍ତି ଯେ ଯଦି ଜଣେ ମହିଳା ବହୁତ କମ କପଡ଼ା ପରିଧାନ କରିବେ, ତା’ହେଲେ ଏହାର ପ୍ରଭାବ ନିଶ୍ଚିତ ଭାବେ ଜଣେ ପୁରୁଷ ଉପରେ ପଡ଼ିବ।
ହଁ ଯଦି ସେ ରୋବୋଟ ହୋଇଥିବେ, ତା’ହେଲେ ଅଲଗା କଥା। କିନ୍ତୁ ପୁରୁଷ ହୋଇଥିଲେ ନିଶ୍ଚିତ ପ୍ରଭାବ ଦେଖାଯିବ। ଏହା ଏକ ସାଧାରଣ କଥା। ତେଣୁ ମହିଳାମାନେ ସେମାନଙ୍କ ପୋଷକ ପରିଧାନ ଉପରେ ଧ୍ୟାନ ଦିଅନ୍ତୁ। ଶରୀରର ଉତ୍ତେଜନାକୁ ରୋକିବାକୁ ପରାଦା ବ୍ୟବସ୍ଥା କରାଯାଇଛି। କାରଣ ସମସ୍ତେ ନିଜର ଉତ୍ତେଜନାକୁ ନିୟନ୍ତ୍ରଣ କରିବାର ଇଚ୍ଛାଶକ୍ତି ରଖନ୍ତି ନାହିଁ ବୋଲି ସେ କହିଛନ୍ତି।
ଦେଶରେ ବଢ଼ୁଥିବା ଯୌନ ନିର୍ଯାତନା ମାମଲା ରୋକିବାକୁ ତାଙ୍କ ସରକାର କ’ଣ ସବୁ ପଦକ୍ଷେପ ନେଇଛନ୍ତି, ସେ ବିଷୟରେ ଇମ୍ରାନ ଖାନଙ୍କୁ ପ୍ରଶ୍ନ କରାଯିବାରୁ ସେ ଏଭଳି ଉତ୍ତର ଦେଇଛନ୍ତି। ଏହାକୁ ନେଇ ଅନେକ ତାଙ୍କୁ ସୋଶାଲ ମିଡିଆରେ ତୀବ୍ର ସମାଲୋଚନା କରିଛନ୍ତି। ବିରୋଧୀ ଦଳର ନେତାମାନେ ମଧ୍ୟ ଇମ୍ରାନ ଖାନଙ୍କ ଏପରି ବୟାନକୁ ନିନ୍ଦା କରିଛନ୍ତି।
Disappointing and frankly sickening to see PM Imran Khan repeat his victim blaming regarding reasons for sexual violence in Pakistan
Men are not “robots”, he says. If they see women in skimpy clothes, they will get “tempted” and some will resort to rape
Shameful!
— Reema Omer (@reema_omer) June 20, 2021
ଏହାପୂର୍ବରୁ ଇମ୍ରାନ ଖାନ ଅଶ୍ଳୀଳତା ଯୋଗୁ ଦେଶରେ ଯୌନ ନିର୍ଯାତନ ବଢ଼ୁଥିବା କଥା କହିଥିଲେ।