ଲକ୍ଷ୍ନୌ: ଶିବସେନା ମୁଖ୍ୟ ଉଦ୍ଧବ ଠାକରେଙ୍କ ମନ୍ତବ୍ୟ ଉପରେ ଜବାବ ରଖିଛନ୍ତି ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟାନାଥ। ଯୋଗୀ ଉଦ୍ଧବଙ୍କୁ ଟାର୍ଗେଟ କରି କହିଛନ୍ତି ଯେ, ‘ମୁଁ ଉଦ୍ଧବ ଠାକରେଙ୍କଠାରୁ ଅଧିକ ସଭ୍ୟ ଓ ସଂସ୍କାରୀ। ତେଣୁ ସେ ମୋତେ ଏ ବିଷୟରେ ଶିକ୍ଷା ଦିଅନ୍ତୁ ନାହିଁ।
ଶୁକ୍ରବାର ଉଦ୍ଧବ ଯୋଗୀଙ୍କୁ ଭୋଗୀ ବୋଲି କହିଥିଲେ। ଶିବାଜୀ ପ୍ରତିମା ମାଲ୍ୟାର୍ପଣ କରୁଥିବା ବେଳେ ଯୋଗୀ ଚପଲ ଖୋଲି ନ ଥିବାରୁ ତାଙ୍କୁ ଚପଲରେ ପିଟିବା କଥା ମଧ୍ୟ କହିଥିଲେ।
ଖବର ଅନୁସାରେ ମହାରାଷ୍ଟ୍ରର ପାଲଘରର ଉପନିର୍ବାଚନ ହେବାକୁ ଥିବାରୁ ଯୋଗୀ ବିଜେପି ପାଇଁ ପ୍ରଚାର କରିବାକୁ ସେଠାକୁ ଯାଇଥିଲେ। ଏହି ଅବସରରେ ସେ ମୁମ୍ବାଇ ନିକଟସ୍ଥ ବିରାରରେ ଥିବା ଶିବାଜୀ ପ୍ରତିମାରେ ମାଲ୍ୟର୍ପଣ କରିଥିଲେ ।
ଏହି ଘଟଣା ପରେ ଉଦ୍ଧବ ଠାକ୍ରେ ଯୋଗୀଙ୍କୁ ଏପରି ଟର୍ଗେଟ୍ କରିଥିଲେ। ସେ ଆହୁରି ମଧ୍ୟ କହିଥିଲେ ଯେ, ଇଶ୍ୱରଙ୍କ ପ୍ରତିରୂପ ଶିବାଜୀଙ୍କ ଉପରେ ମାଲ୍ୟାର୍ପଣ କରିବା ପୂର୍ବରୁ ଚପଲ ଖୋଲିବା ଉଚିତ ଥିଲା। କିନ୍ତୁ ଯୋଗୀ ଏପରି କଲେ ନାହିଁ। ତାଙ୍କଠାରୁ ଆଉ କ’ଣ ବା ଆଶା କରାଯାଇ ପାରେ ବୋଲି ଉଦ୍ଧବ କହିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
