ଭୁବନେଶ୍ୱର(ଓଡ଼ିଶା ରିପୋର୍ଟର): ଆଗକୁ ରାଜ୍ୟରେ ଦୈନିକ ୧ ଲକ୍ଷ କରୋନା ଟେଷ୍ଟ କରାଯିବାକୁ ଯୋଜନା ରଖାଯାଇଛି। ଆଜି ଏହି ସୂଚନା ଦେଇଛନ୍ତି ଜୀବ ବିଜ୍ଞାନ ପ୍ରତିଷ୍ଠାନ ନିର୍ଦ୍ଦେଶକ ଅଜୟ ପରିଡ଼ା।
ସେ କହିଛନ୍ତି,ରାଜ୍ୟରେ ଟେଷ୍ଟ ବଢ଼ୁଛି। ଆଜି ରାଜ୍ୟରେ ୩୨ ହଜାର ଟେଷ୍ଟ କରାଯାଇଛି। ଆଗକୁ ରାଜ୍ୟରେ ଦୈନିକ ୧ ଲକ୍ଷ କରୋନା ଟେଷ୍ଟ କରାଯିବାକୁ ଯୋଜନା ରଖାଯାଇଛି। ଅଗଷ୍ଟ ୨୦ ସୁଦ୍ଧା ୫୦ ହଜାର ଟେଷ୍ଟ ଦୈନିକ କରିବାକୁ ଧାର୍ଯ୍ୟ କରାଯାଇଛି।
ଜୀବ ବିଜ୍ଞାନ ପ୍ରତିଷ୍ଠାନ ନିର୍ଦ୍ଦେଶକ ଆହୁରି କହିଛନ୍ତି, ୬ ଟି ଜିଲ୍ଲାରେ ଅଧିକ ସଂକ୍ରମିତ ମିଳୁଛନ୍ତି। ପ୍ରତି ଜିଲ୍ଲାକୁ ଆଣ୍ଟିଜେନ୍ କିଟ୍ ଯାଉଛି। ଆଣ୍ଟିଜେନ୍ କିଟ୍ ଦ୍ୱାରା ଶୀଘ୍ର ଆକ୍ରାନ୍ତଙ୍କୁ ଚିହ୍ନଟ କରାଯାଇ ଆଇସୋଲେଟ କରାଯିବ।
ଓଡ଼ିଶାରେ କରୋନା ସ୍ଥିତି ଏବେ ପିକ୍ରେ ରହିଛି। ଏହି ଧାରା ଜାରି ରହିଲେ ଆଗକୁ ସଂକ୍ରମଣ କମିବ ବୋଲି ଜୀବ ବିଜ୍ଞାନ ପ୍ରତିଷ୍ଠାନ ନିର୍ଦ୍ଦେଶକ କହିଛନ୍ତି।