ଲମତାପୁଟ (ଜଗତ ଜୀବନ କଚିନ): ଆଦିବାସୀମାନଙ୍କ ପାଇଁ ସଂରକ୍ଷିତ ଥିବା ଲମତାପୁଟ ବ୍ଲକ୍ ଅଧ୍ୟକ୍ଷ ପଦବୀ ଜଣେ ଅଣ-ଆଦିବାସୀ ହାତେଇଥିବା ଅଭିଯୋଗ କରି ସର୍ବଦଳୀୟ ଆଦିବାସୀ ସଂଘ ପକ୍ଷରୁ ଆଜି ୧୨ଘଣ୍ଟିଆ ଲମତାପୁଟ ବନ୍ଦ ଡାକରା ଦିଆଯାଇଛି।
ଏଥିଯୋଗୁ ସହରର ସମସ୍ତ ଦୋକାନ ବଜାର ବନ୍ଦ ରହିଛି। ଏଥିସହ ଅନକାଡେଲି ଠାରୁ ଜୟପୁର, କୋରାପୁଟ ଓ ଲମତାପୁଟ ଅଞ୍ଚଳକୁ ଯାଉଥିବା ସମସ୍ତ ବସ୍ ଚଳାଚଳ ବନ୍ଦ ରହିଛି। ତେଣୁ ଯାତ୍ରୀମାନେ ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି।
ସୂଚନାଯୋଗ୍ୟ, କୋରାପୁଟ ଜିଲ୍ଲା ଲମତାପୁଟ ବ୍ଲକ୍ ଅଧ୍ୟକ୍ଷ ପଦବୀ ଆଦିବାସୀ ମହିଳାଙ୍କ ପାଇଁ ସଂରକ୍ଷିତ ରହିଛି। ତେବେ ଜଣେ ଅଣ-ଆଦିବସୀ ମହିଳା ଜାଲ୍ ପ୍ରମାଣ ପତ୍ର ପ୍ରଦାନ କରି ଏହି ପଦବୀ ହାସଲ କରିଥିବା ଅଭିଯୋଗ ହୋଇଛି।
ଲମତାପୁଟ ସର୍ବଦଳୀୟ ଆଦିବାସୀ ସଂଘ ଜିଲ୍ଲା ପ୍ରଶାସନକୁ ଏ ବିଷୟରେ ଅବଗତ କରାଇଥିଲେ ହେଁ କୌଣସି କାର୍ଯ୍ୟାନୁଷ୍ଠାନ ନିଆ ନ ଯିବାରୁ ଆଜି ବନ୍ଦ ଡାକରା ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
