ସମ୍ୱଲପୁର(ସଞ୍ଜୟ ଜେନା): ଆଜି ଖୋଲିଲା ହୀରାକୁଦ ଡ୍ୟାମ୍ର ୨ଟି ଗେଟ୍। ବନ୍ୟା ଜଳ ନିଷ୍କାସନ ଲାଗି ବୁର୍ଲା ପଟୁ ଗୋଟିଏ ଗେଟ୍ ଓ ହୀରାକୁଦ ପଟୁ ଆଉ ଏକ ଗେଟ୍ ଖୋଲିଛି। ତେବେ ପର୍ଯ୍ୟାୟ କ୍ରମେ ଆଉ ୧୪ଟି ଗେଟ୍ ଖୋଲିବ। ଗତକାଲି ୭ନଂ ଗେଟ୍ ଅଳ୍ପ ସମୟ ପାଇଁ ଖୋଲାଯାଇ ବନ୍ଦ କରାଯାଇଥିଲା।
ଉପରମୁଣ୍ଡରେ ପ୍ରବଳ ବର୍ଷା ଯୋଗୁଁ ହୀରାକୁଦର ଜଳସ୍ତର ବଢୁଛି । ଦିନ ଗୋଟାଏ ସୁଦ୍ଧା ଆଉ ୧୪ଟି ଗେଟ୍ ଖୋଲାଯିବ ହୀରାକୁଦ ଡ୍ୟାମ କର୍ତ୍ତୃପକ୍ଷଙ୍କ ତରଫରୁ ସୂଚନା ଦିଆଯାଇଛି । ପୂର୍ବାହ୍ନ ୧୦ ଟା ସୁଦ୍ଧା ହୀରାକୁଦକୁ ପ୍ରତି ସେକେଣ୍ଡରେ ୨ ଲକ୍ଷ ୫୮ ହଜାର ୩୧୮ କ୍ୟୁସେକ୍ ଜଳ ପ୍ରବେଶ କରୁଥିଲା। କିନ୍ତୁ ପ୍ରତି ସେକେଣ୍ଡରେ ୧୫ ହଜାର ୨୯୪ କ୍ୟୁସେକ୍ ଜଳ ନିଷ୍କାସିତ ହେଉଛି । ଡ୍ୟାମର ଜଳସ୍ତରକୁ ୬୧୯-୨୦ ଫୁଟ ରଖିବା ପାଇଁ ୧୬ଟି ଗେଟ୍ ଖୋଲିବାକୁ ନିଷ୍ପତ୍ତି ନିଆଯାଇଛି ।
ସୂଚନାଯୋଗ୍ୟ, ମହାନଦୀର ଜଳସ୍ତର କ୍ରମାଗତ ଭାବେ ବଢ଼ୁଥିବାରୁ ପୂର୍ବାହ୍ନ ୧୧ଟା ୩୦ ପରେ ଗେଟ୍ ଖୋଲିବା ଆରମ୍ଭ ହେବ ବୋଲି ଡ୍ୟାମ୍ କର୍ତ୍ତୃପକ୍ଷ ପୂର୍ବରୁ ସୂଚନା ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
