ଖୋର୍ଦ୍ଧା(ବଳରାମ ଲେଙ୍କା): ବନ୍ଧୁକ ଦେଖାଇ ୨୩ ଲକ୍ଷ ଟଙ୍କା ଲୁଟିନେଲେ ୪ ଦୁର୍ବୃତ୍ତ। ଏପରି ଘଟଣା ଖୋର୍ଦ୍ଧା ଟାଉନ୍ ଥାନା ଅଞ୍ଚଳରେ ଘଟିଛି। ଏନେଇ ଅଭିଯୋଗ ହେବା ପରେ ପୁଲିସ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।
ଆଜି ପୂର୍ବାହ୍ନ ପ୍ରାୟ ୧୧ଟା ବେଳେ ଏଲ୍ଆଇସି ବୀମା ଟଙ୍କା (୨୩ ଲକ୍ଷ) ବ୍ୟାଙ୍କରେ ଜମା କରିବା ପାଇଁ ଏକ ଘରୋଇ ସଂସ୍ଥାର ଜଣେ କର୍ମଚାରୀ ବାଇକ୍ରେ ନେଇ ଯାଇଥିଲେ। ତେବେ ଖୋର୍ଦ୍ଧା ସାଇ ମନ୍ଦିର ନିକଟରେ ୪ ଜଣ ଦୁର୍ବୃତ୍ତ ତାଙ୍କ ବାଇକକୁ ଅଟକାଇଲେ। ପରେ ବନ୍ଧୁକ ଦେଖାଇ ୨୩ ଲକ୍ଷ ଟଙ୍କା ଲୁଟି ନେଇ ଯାଇଥିଲେ। ଏନେଇ ଥାନାରେ ଅଭିଯୋଗ ହେବା ପରେ ପୁଲିସ ତନାଘନା ଆରମ୍ଭ କରିଛି। ପୁଲିସ ଅଭିଯୁକ୍ତଙ୍କୁ ଧରିବା ପାଇଁ ବିଭିନ୍ନ ସ୍ଥାନରେ ଚଢ଼ଉ ଜାରି ରଖିଛି।
ତେବେ ପୁଲିସର ସନ୍ଦେହ ଆଖି ଏବେ ଟଙ୍କା ଜମା କରିବାକୁ ନେଉଥିବା ବ୍ୟକ୍ତିଙ୍କ ଉପରେ ରହିଛି। ଦିନ ୧୧ଟାରେ ଲୁଟ୍ ହୋଇଥିବା ବେଳେ ଅପରାହ୍ନ ୩ଟାରେ ଥାନାରେ କାହିଁକି ଅଭିଯୋଗ କରାଯାଉଛି? ପୁଲିସ ଏବେ ବିଭିନ୍ନ ଦିଗରୁ ତଦନ୍ତ ଚଳାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।