ସୋର (ଶଶିଭୂଷଣ ବେହେରା): ବାଇକ୍ ଚୋରି କଲା ବେଳେ ୩ ଯୁବକଙ୍କୁ କାବୁ କରି ନିର୍ଧୂମ ଛେଚିଲେ ଗ୍ରାମବାସୀ । ଏପରି ଏକ ଘଟଣା ବାଲେଶ୍ୱର ଜିଲ୍ଲା ସିମୁଳିଆ ଥାନା ଚାଲୁଣି ଗାଁରେ ଗତକାଲି ଘଟିଛି।
ଗତକାଲି ଅପରାହ୍ନରେ ୩ ଯୁବକ ଚାଲୁଣି ଗାଁରେ ପହଞ୍ଚି ଜଣଙ୍କ ଘର ସମ୍ମୁଖରେ ଥିବା ବାଇକ୍କୁ ନେବାକୁ ଚେଷ୍ଟା କରୁଥିଲେ। ତେବେ ସେମାନେ ଗ୍ରାମବାସୀଙ୍କ ହାବୁଡ଼ରେ ପଡ଼ିଯାଇଥିଲେ।
ଗ୍ରାମବାସୀ ସେହି ଯୁବକମାନଙ୍କୁ ଧରି ମାଡ଼ ମାରିବା ସହ ଖୁଣ୍ଟରେ ବାନ୍ଧି ଦେଇଥିଲେ । ଖବର ପାଇ ସନ୍ଧ୍ୟାରେ ପୁଲିସ୍ ପହଞ୍ଚି ଉକ୍ତ ୩ ଯୁବକଙ୍କୁ ଗିରଫ କରି କୋର୍ଟଚାଲାଣ କରିଥିବା ସୂଚନା ମିଳିଛି।