କାଲିଠୁ ଉପାସରେ ଆଉଟୁ ପାଉଟୁ ହେଉଛନ୍ତି ୩୦୦ ଛାତ୍ରଛାତ୍ରୀ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱର ଘାଟିକିଆ କଳିଙ୍ଗନଗରରେ ଥିବା ଅର୍ବାନ ହଷ୍ଟେଲର ୩୦୦ ପିଲା ଗତକାଲି ରାତିରୁ ଖାଡ଼ା ଉପାସ ରହିଛନ୍ତି।</p> <p>କାଲିଠାରୁ କ୍ୟାଣ୍ଟିନ ବନ୍ଦ ଥିବାରୁ କିଛି ନଖାଇ ଭୋକରେ ଆଉଟୁ ପାଉଟୁ ହେଉଛନ୍ତି। କ୍ୟାଣ୍ଟିନ୍&zwnj;ରେ ନିମ୍ନମାନର ଖାଦ୍ୟ ଦିଆଯାଉଥିବା ଅଭିଯୋଗ କରିବା ପରେ ପିଲାଙ୍କୁ ଏପରି ହଇରାଣ କରାଯାଉଥିବା ଅଭିଯୋଗ ହୋଇଛି।</p> <p>ହଷ୍ଟେଲରେ ୩୦୦ ଆଦିବାସୀ ଛାତ୍ର ରହି ବିଜେବି, ମହର୍ଷି ଓ ରାଜଧାନୀ କଲେଜରେ ପାଠ ପଢ଼ୁଛନ୍ତି।।</p> <p>ହଷ୍ଟେଲ୍&zwnj;ରେ ସେମାନଙ୍କୁ ନିମ୍ନମାନର ଖାଦ୍ୟ ଦିଆଯାଉଥିବା ପୂର୍ବରୁ ଅଭିଯୋଗ କରି ଆସୁଥିଲେ ମଧ୍ୟ ଏହାର ସମାଧାନ କରୁ ନଥିଲେ ହଷ୍ଟେଲ୍&zwnj; କର୍ତ୍ତୃପକ୍ଷ। ଗତକାଲି ପୁଣି ଥରେ ନିମ୍ନମାନର ଖାଦ୍ୟ ଦିଆଯିବାରୁ ଛାତ୍ରମାନେ ଅଭିଯୋଗ କରିଥିଲେ। ଏହାପରେ ହଷ୍ଟେଲ୍&zwnj;ର ସମସ୍ତ କର୍ମଚାରୀ ଓ କ୍ୟାଣ୍ଟିନ୍&zwnj; ସଦସ୍ୟ ତାଲା ପକାଇ କେଉଁଆଡେ ପଳାଇ ଯାଇଥିବା ଅଭିଯୋଗ ହୋଇଛି। ଏପରିକି ଖାଇବାକୁ ଦିଆଯିବ ନାହିଁ ବୋଲି ପିଲାମାନଙ୍କୁ ଧମକ ଦିଆଯାଉଛି।</p> <p>ଜଣେ ଛାତ୍ର କହିଛନ୍ତି,&ldquo; ଗତକାଲିଠାରୁ ଆମେ ଉପାସ ରହିଛୁ। ଆଜି ଆମକୁ ଖାଇବାକୁ ମିଳିବ ବୋଲି ଭାବିଥିଲୁ। ସକାଳୁ ଦେଖିବା ବେଳକୁ କ୍ୟାଣ୍ଟିନରେ ତାଲା ପଡ଼ିଛି। ହଷ୍ଟେଲ୍&zwnj;ରେ ନିମ୍ନମାନର ଖାଦ୍ୟ ଦିଆଯାଉଥିବା ପୂର୍ବରୁ ସୁପରିଟେଣ୍ଟଙ୍କ ପାଖରେ ଅଭିଯୋଗ କରିଥିଲୁ। ଗତକାଲି ରାତିରେ ମଧ୍ୟ ଖାଇବା ନିମ୍ନମାନର ହୋଇଥିବା ଅଭିଯୋଗ କରିଥିଲୁ। ଅଭିଯୋଗ କଲୁ ବୋଲି ଆଜି କ୍ୟାଣ୍ଟିନ୍&zwnj;ରେ ତାଲା ପକାଇ ସବୁ ପଳାଇଯାଇଛନ୍ତି। ଆମେ ପଚାରିବାରୁ ଖାଇବାକୁ ଦିଆଯିବନି ବୋଲି କହୁଛନ୍ତି।&rdquo;</p>