ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱର ଡିସିପି ଅଫିସରେ କାର୍ଯ୍ୟ କରୁଥିବା ଆଣ୍ଟି ଫ୍ରଡ୍ ସେଲ୍ରେ ଗତ ବର୍ଷ ଡିସେମ୍ବର ମାସରେ କେବଳ ସାଇବର ଠକେଇ ସମ୍ବନ୍ଧୀୟ ୪୧୪ଟି ଅଭିଯୋଗ ହୋଇଥିଲା। ସେଥିରୁ ୨୧୩ଟି ଅଭିଯୋଗ ଭୁବନେଶ୍ୱରରୁ ଆସିଥିଲା। ଅନ୍ୟ ୨୦୧ଟି ଅଭିଯୋଗ ବାହାର ଜିଲ୍ଲାରୁ କରାଯାଇଥିଲା।
ଭୁବନେଶ୍ୱରରୁ ଯେଉଁ ୨୧୩ଟି ଠକେଇ ଅଭିଯୋଗ ଆସିଥିଲା ସେଥିରୁ ୧୦୦ଟି ୟୁପିଆଇରେ ହୋଇଥିବା ବେଳେ ୬୬ଟି କ୍ରେଡିଟ୍/ଡେବିଟ୍ କାର୍ଡରେ ଓ ବାକି ୪୭ଟି ଅନ୍ୟ ପ୍ରକାରେ ହୋଇଥିଲା।
କେବଳ ଭୁବନେଶ୍ୱରରୁ ୬୦ ଲକ୍ଷ ୫୯ ହଜାର ୬୪୯ ଟଙ୍କା ହଡ଼ପ ହୋଇଥିବାର ଅଭିଯୋଗ ହୋଇଥିଲା। ସେଥିରୁ ଠକାମିର ଶିକାର ହୋଇଥିବା କିଛି ବ୍ୟକ୍ତିଙ୍କୁ ୧୯ଲକ୍ଷ ୭୨ ହଜାର ୨୨୬ ଟଙ୍କା ବିଭିନ୍ନ ସମୟରେ ଫେରସ୍ତ କରାଯାଇଥିଲା।
ସୂଚନାଯୋଗ୍ୟ, ଭୁବନେଶ୍ଵରରେ ଗତ ଡିସେମ୍ବର ୨୯ ତାରିଖରୁ ସାଇବର୍ ଓ ଅର୍ଥନୈତିକ ଅପରାଧିକ ପୁଲିସ୍ ଷ୍ଟେସନ୍ କାର୍ଯ୍ୟ ଆରମ୍ଭ କରିଛି। ଭୁବନେଶ୍ଵର ସହରାଞ୍ଚଳ ଜିଲ୍ଲାରେ ଯେକୌଣସି ବ୍ୟକ୍ତି ସାଇବର୍ ଠକେଇର ଶିକାର ହେଲେ ହେଲ୍ପ ଡେସ୍କ ନମ୍ବର 7440006709ରେ ଯୋଗାଯୋଗ କରିପାରିବେ ବୋଲି କମିଶନରେଟ୍ ପୁଲିସ୍ ପକ୍ଷରୁ କୁହାଯାଇଛି।