ଭୁବନେଶ୍ୱର(ଓଡ଼ିଶା ରିପୋର୍ଟର): ନୀଳ ଆକାଶରେ ପକ୍ଷୀ ପରି ଉଡ଼ିବେ ଦିବ୍ୟାଙ୍ଗ ପିଲା। ଆଉ ଦୂର ଦିଗବଳୟରୁ ଦୁନିଆକୁ ଆଖି ପୂରାଇ ଦେଖିବେ। ବେସାମରିକ ବିମାନ ଚଳାଚଳ ମନ୍ତ୍ରଣାଳୟ, ଏୟାରପୋର୍ଟ ଅର୍ଥରିଟି ଅଫ୍ ଇଣ୍ଡିଆ ଓ ଓଡ଼ିଶା ସରକାରଙ୍କ ମିଳିତ ସହଯୋଗରେ ଏକ ଏନ୍ଜିଓ ଏପରି ବ୍ୟବସ୍ଥାର ଆୟୋଜନ କରିଛି। ଏଥିପାଇଁ ବେସାମରିକ ବିମାନ ଚଳାଚଳ ମନ୍ତ୍ରାଳୟ ଯୁଗ୍ମ ସଚିବ ଉଷା ପାଢ଼ୀ ଧନ୍ୟବାଦ ଜଣାଇଛନ୍ତି।
ଆସନ୍ତା ଜାନୁଆରୀ ୨୨ ତାରିଖରେ ସମଗ୍ର ରାଜ୍ୟରୁ ୪୪ ଜଣ ଦିବ୍ୟାଙ୍ଗ ପିଲା ଏୟାର ଇଣ୍ଡିଆର ସ୍ୱତନ୍ତ୍ର ବିମାନରେ ଉଡିବେ। ୪୪ ଜଣଙ୍କ ଭିତରୁ ୨୩ ଜଣ ପୁଅ ଓ ୨୧ ଝିଅ ଅଛନ୍ତି। ଭୁବନେଶ୍ୱର ସ୍ଥିତ ବିଜୁ ପଟ୍ଟନାୟକ ବିମାନ ବନ୍ଦରରୁ ସକାଳ ୯.୨୫ ମିନିଟ୍ରେ ଉଡାଣ ଆରମ୍ଭ ହେବ। ଆକାଶରେ ୪୦ ମିନିଟ୍ ଧରି ପିଲାମାନେ ବିମାନରେ ଉଡ଼ିବ। ସେଥିପାଇଁ ବେସାମରିକ ବିମାନ ଚଳାଚଳ ମନ୍ତ୍ରାଳୟ ଯୁଗ୍ମ ସଚିବ ଉଷା ପାଢ଼ୀ ଟ୍ୱିଟ୍ କରି ଏୟାର ଇଣ୍ଡିଆ CMD ଓ ଆଲିଆନ୍ସ ଏୟାର CEOଙ୍କୁ କୃତଜ୍ଞତା ଜଣାଇଛନ୍ତି। ପ୍ରଶଂସନୀୟ ଉଦ୍ୟମ ପାଇଁ ଓଡ଼ିଶା ସରକାରଙ୍କୁ ମଧ୍ୟ ସେ ଧନ୍ୟବାଦ ଜଣାଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
