ବଣାଇ(ରଣଜିତ୍ ଚୌଧୁରୀ): ସୁନ୍ଦରଗଡ଼ ଜିଲ୍ଲା ବଣାଇ ରେଞ୍ଜରେ ଥିବା ବରଘାଟ ଗାଁରେ ମାତିଛନ୍ତି ହାତୀ। ଗତକାଲି ବିଳମ୍ୱିତ ରାତିରେ ଆଠରୁ ଦଶଟି ହାତୀ ଗାଁରେ ପଶିଥିଲେ। ହାତୀମାନେ ଗାଁର ସୁରେନ୍ଦ୍ର ପାତ୍ରଙ୍କ ଘର କାନ୍ଥ ଭାଙ୍ଗି ଦେବାରୁ ତାଙ୍କ ୭ ବର୍ଷର ପୁଅର ମୃତ୍ୟୁ ଘଟିଛି।
ସୁରେନ୍ଦ୍ରଙ୍କ ପରିବାର ଲୋକେ ଶୋଇଥିବା ବେଳେ ହାତୀ ତାଙ୍କ ଘରର କାନ୍ଥ ଭାଙ୍ଗି ଦେଇଥିଲା। କାନ୍ଥ ଭାଙ୍ଗି ତାଙ୍କ ପୁଅ ଉପରେ ପଡ଼ିଯାଇଥିଲା।
ବନବିଭାଗ କର୍ମଚାରୀମାନେ ଖବର ପାଇବା ପରେ ଗାଁକୁ ଆସିଥିଲେ ଓ ଗୁରୁତର ଅବସ୍ଥାରେ ପିଲାଟିକୁ ବଣାଇ ଡାକ୍ତରଖାନାକୁ ଆଣିଥିଲେ। ହେଲେ ସେଠାରେ ଡାକ୍ତର ତାକୁ ମୃତ ଘୋଷଣା କରିଥିଲେ।