ମୋଦିଙ୍କ ୨୦୨୨ ନ୍ୟୁ-ଇଣ୍ଡିଆ ମିଶନରେ ଓଡ଼ିଶାର ୮ ଜିଲ୍ଲା

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜ୍ୟର ପଛୁଆ ଅଞ୍ଚଳର ବିକାଶ ଲାଗି କେନ୍ଦ୍ର ସରକାର ଆରମ୍ଭ କରିଦେଛନ୍ତି କସରତ। ପ୍ରଧାନମନ୍ତ୍ରୀଙ୍କ ୨୦୨୨ ନ୍ୟୁ-ଇଣ୍ଡିଆ ମିଶନ୍&zwnj;ରେ ପଛୁଆ ଅଞ୍ଚଳର ବିକାଶ କରାଯିବ। ଏହି ମିଶନ ଅନ୍ତର୍ଗତ କେନ୍ଦ୍ର ଫୋକ୍ସରେ ରହିଛି ଓଡ଼ିଶାର ୮ ଜିଲ୍ଲା। ଏହି ସବୁ ଜିଲ୍ଲାର ବିକାଶ ଲାଗି ମଧ୍ୟସ୍ଥି ସାଜିବେ ମୋଦିଙ୍କ ପ୍ରଭାରୀ ଅଫିସର। ବିକାଶ କାର୍ଯ୍ୟ ତ୍ୱରାନ୍ୱିତ ଲାଗି&nbsp; ରାଜନେତା ନୁହେଁ ପହରା ଦେବେ ଏହି ସ୍ୱତନ୍ତ୍ର କେନ୍ଦ୍ରୀୟ ଅଫିସର୍। ଚିହ୍ନଟ ଜିଲ୍ଲାଗୁଡିକରେ ଶିକ୍ଷା, ସ୍ୱାସ୍ଥ୍ୟ ଓ ସାମାଜିକ ଭିତ୍ତିଭୂମିର ବିକାଶକୁ ପ୍ରାଥମିକତା ଦିଆଯିବ।</p> <p>କେନ୍ଦ୍ର ସରକାରଙ୍କ ଫୋକ୍ସରେ ରହିଛି ଓଡ଼ିଶାର ପଛୁଆ ଜିଲ୍ଲା। ବଲାଙ୍ଗିର, କଳାହାଣ୍ଡି, କୋରାପୁଟ, ମାଲକାନିଗିରି, ରାୟଗଡା,କନ୍ଧମାଳ, ଗଜପତି ଓ ଢ଼େଙ୍କନାଳର ବିକାଶ ଲାଗି ସ୍ୱତନ୍ତ୍ର ଧ୍ୟାନ ଦେବେ କେନ୍ଦ୍ର ସରକାର। ଲୋକଙ୍କୁ ମୌଳିକ ସୁବିଧା ସୁଯୋଗ ଯୋଗାଇ ଦେବା ସହ ସାମାଜିକ ଓ ଅର୍ଥନୈତିକ ବିକାଶ ଲାଗି ନକ୍ସା ପ୍ରସ୍ତୁତ କରାଯାଇଛି। ଚିହ୍ନଟ ହୋଇଥିବା ଜିଲ୍ଲାଗୁଡିକରେ ବିକାଶ କାର୍ଯ୍ୟ ତ୍ୱରାନ୍ୱିତ କରିବେ ଅଫିସର। ଏନେଇ ରାଜ୍ୟ ମୁଖ୍ୟ ଶାସନ ସଚିବଙ୍କୁ&nbsp; ଅବଗତ କରିଛି ନୀତି ଆୟୋଗ। ସେହିପରି କେଉଁ କ୍ଷେତ୍ରକୁ କେତେ ଗୁରୁତ୍ୱ ଦିଆଯିବ ସେନେଇ ଜିଲ୍ଲା ଆକ୍ସନ ପ୍ଲାନ ପ୍ରସ୍ତୁତ ଲାଗ କୁହାଯାଇଛି। ଜିଲ୍ଲାପାଳଙ୍କ ଜରିଆରେ ଉନ୍ନୟନ ଯୋଜନାକୁ କାର୍ଯ୍ୟକାରୀ କରାଯିବ। ପ୍ରଭାରୀ ଅଫିସରମାନେ ତା&rsquo;ଉପରେ ନଜର ରଖିବେ। ସ୍ୱାସ୍ଥ୍ୟ, ଶିକ୍ଷା ଓ ଭିତ୍ତିଭୂମି ବିକାଶ ସାଙ୍ଗକୁ ଦାରିଦ୍ର୍ୟ ଦୂରୀକରଣ ଦିଗରେ ବିଭିନ୍ନ କାର୍ଯ୍ୟକ୍ରମ ହାତକୁ ନିଆଯିବ। ଡେପୁଟେସନ୍&zwnj;ରେ ଥିବା ଓଡିଶା କ୍ୟାଡର୍ ଅଫିସରଙ୍କୁ ଏନେଇ ଦାୟିତ୍ୱ ଦିଆଯାଇଛି।</p> <p>ତେବେ କେନ୍ଦ୍ରର ଏଭଳି ବିକାଶ ନକ୍ସାକୁ ନେଇ ଆରମ୍ଭ ହୋଇଛି ରାଜନୀତି। ୨୦୧୯ ନିର୍ବାଚନ ପାଇଁ ଏହା କେନ୍ଦ୍ରର ପଲିଟିକାଲ୍ ଷ୍ଟଣ୍ଟ ନା ବାସ୍ତବରେ ପଛୁଆ ଅଞ୍ଚଳର ବିକାଶ ପାଇଁ ଆନ୍ତରିକତା ? ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଯାଇଛି। କଂଗ୍ରେସ ଓ ବିଜେଡି ଉଭୟ କେନ୍ଦ୍ରର ଏଭଳି ଆଭିମୁଖ୍ୟକୁ ନେଇ ପ୍ରଶ୍ନ ଉଠାଇଛନ୍ତି।</p> <p>କେବିକେ ପାଇଁ କେନ୍ଦ୍ର ସରକାର ଅନେକ ଯୋଜନା ବନ୍ଦ କରିବା ସହ ଅନୁଦାନ ବି ହ୍ରାସ କରିଥିଲେ। ଏହାକୁ ନେଇ କେନ୍ଦ୍ର ଉପରେ ଢେର ବର୍ଷିଥିଲା ବିଜେଡି। ସେହିପରି&nbsp; ୯୦-୧୦ ଅନୁପାତରେ କେନ୍ଦ୍ରୀୟ ସ୍କିମ୍ ଅନୁଦାନ ଦେବାକୁ ରାଜ୍ୟ ଦାବି କରି ଆସୁଛନ୍ତି। ଏଭଳି ସ୍ଥିତିରେ କେନ୍ଦ୍ରର ପଛୁଆ ଜିଲ୍ଲା ବିକାଶ ଯୋଜନା କେତେ ସଫଳ ହେଉଛି ତା&rsquo;ଉପରେ ନଜର ରହିଛି।</p>