ମୋହନା(ମିହିର ଜତି): କାରରୁ ଜବତ ହେଲା ୮୦ କେଜି ଚନ୍ଦନ କାଠ। ଚନ୍ଦନ କାଠ ଚୋରା ଚାଲାଣରେ ସଂପୃକ୍ତି ଅଭିଯୋଗରେ ୩ ଜଣଙ୍କୁ ଗିରଫ କରିଛି ପୋଲିସ ।
ଗଜପତି ଜିଲ୍ଲା ମୋହନା ଥାନା କମଳାପୁର ଓ ଲୁହାଗୁଡି ରାସ୍ତାରେ ପୋଲିସ ଚଢ଼ାଉ କରି ଏକ କାରରୁ ୮୦ କେଜି ଚନ୍ଦନ କାଠ ସହ ୩୯ ହଜାର ଟଙ୍କା ଜବତ କରିଛି । ଆର.ଉଦୟଗିରି ଅଞ୍ଚଳରୁ ଚନ୍ଦନ କାଠ ବ୍ରହ୍ମପୁର ଚାଲାଣ ହେଉଥିବା ବେଳେ ଖବର ପାଇ ପୁଲିସ୍ ଚଢ଼ାଉ କରି କାର୍କୁ ଜବତ କରିଛି। ଜବତ କାଠର ଆନୁମାନିକ ମୂଲ୍ୟ ୧ ଲକ୍ଷ ୨୦ ହଜାର ଟଙ୍କା ହେବ । ପୋଲିସ ଜବତ କାଠ ସହ ଅଭିଯୁକ୍ତମାନଙ୍କୁ ବନ ବିଭାଗକୁ ହସ୍ତାନ୍ତର କରିଛି ।