ଆଜିଠୁ ଗଡ଼ିଲା ଆଉ ୮୪ଟି ୧୦୮ ଆମ୍ବୁଲାନ୍ସ

ଭୁବନେଶ୍ୱର(ଓଡ଼ିଶା ରିପୋର୍ଟର) ରାଜ୍ୟରେ ଆଜିଠୁ  ଗଡ଼ିଲା ଆଉ ୮୪ଟି  ନୂଆ୧୦୮ ଆମ୍ବୁଲାନ୍ସ । ନୂଆ  ବର୍ଷରେ ରାଜ୍ୟବାସୀଙ୍କୁ ଏହି ନୂଆ  ଭେଟି  ଦେଇଛନ୍ତି  ମୁଖ୍ୟମନ୍ତ୍ରୀ  ନବୀନ  ପଟ୍ଟନାୟକ।   ଭିଡିଓ କନଫରେନ୍ସ ଜରିଆରେ ମୁଖ୍ୟମନ୍ତ୍ରୀ ଏହାର ଉଦଘାଟନ  କରିଛନ୍ତି  । ନିଜସ୍ୱ ପାଣ୍ଠିରେ ରାଜ୍ୟ ସରକାର ସମସ୍ତ  ଆମ୍ବୁଲାନ୍ସ  କିଣିଛନ୍ତି  ଏହି ୮୪ଟି ଆମ୍ବୁଲାନ୍ସ  ରାଜ୍ୟର  ୨୭ ଜିଲ୍ଲାରେ ଗଡ଼ିବ ।  ବାଲେଶ୍ୱର ଜିଲ୍ଲାକୁ ସର୍ବାଧିକ ୧୧ଟି  ଆମ୍ବୁଲାନ୍ସ  ଯିବ।  ଏବେ ରାଜ୍ୟରେ  ମୋଟ  ୫୧୮ଟି  ୧୦୮ ଆମ୍ବୁଲାନ୍ସ, ୫୦୦ଟି ଜନନୀ  ଏକ୍ସପ୍ରେସ  ଚାଲୁଛି । ୨୦୧୩ ମସିହାରୁ ରାଜ୍ୟବାସୀଙ୍କୁ ଏହି ଜରୁରୀ  କାଳୀନ ସେବା ଯୋଗାଉଛନ୍ତି ସରକାର।  ମାଲକାନଗିରି  ବିଛିନ୍ନାଞ୍ଚଳରେ ୬ ଟି 108 ବୋଟ  ଆମ୍ବୁଲାନ୍ସ  ମଧ୍ୟ ଚାଲୁଛି ।