ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଆସିକା: ‘ମୁଁ ବଡ଼ ହେଲେ ଏସପି ହେବି’। ଏତିକି କହିଲା ବେଳେ ତାଙ୍କ ଚାହାଣିରୁ ବାରି ହୋଇ ଯାଉଥିଲା ଆତ୍ମବିଶ୍ୱାସର ଝଲକ। ନିଜ ଲକ୍ଷ୍ୟସ୍ଥଳରେ ପହଞ୍ଚିବାର ନିଶା ତାଙ୍କ ମାନସପଟ୍ଟରେ ଉଦ୍ଭାଷିତ ହେଉଥିଲା। ଇଏ ହେଉଛନ୍ତି ନିଜ ବିବାହ ଭାଙ୍ଗି ଚର୍ଚ୍ଚାକୁ ଆସିଥିବା ଗଞ୍ଜାମ ଜିଲ୍ଲା ଆସିକା ବ୍ଲକ ଚଢିଆପଲ୍ଲୀ ଗ୍ରାମର ୯ମ ଶ୍ରେଣୀ ଛାତ୍ରୀ ଋତୁ ନାହାକ। ବୟସରେ ସାନ ହେଲେ ମଧ୍ୟ ଚିନ୍ତାଧାରା ମହାନ। ନାରାୟଣ ନାହାକ ଏବଂ ଶାନ୍ତିଲାତାଙ୍କ ଝିଅ ହେଉଛନ୍ତି ଋତୁ । ଅଭାବ ଅନଟନ ଯୋଗୁ ପରିବାର ଲୋକେ ଗତ ମାର୍ଚ୍ଚ ୯ ତାରିଖରେ ଦୀପ୍ତିଙ୍କ ବିବାହ ଠିକ୍‌ କରିଥିଲେ। ବରପକ୍ଷ ପସନ୍ଦ କରି ଝିଅକୁ ସୁନା ମଧ୍ୟ ପିନ୍ଧାଇଥିଲେ।</p> <p>ହେଲେ ଏହି ନିଷ୍ପତ୍ତିରେ ଆଦୌ ଖୁସି ନଥିଲେ ଋତୁ । ମାତ୍ର ଅଳ୍ପ ବୟସରେ ବିବାହ ହେବାକୁ ରାଜି ନ ଥିଲେ ସେ । ତେଣୁ ବାହାଘର ଭାଙ୍ଗିବାକୁ ନିଜେ ଉପାୟ ପାଞ୍ଚିଥିଲେ। ସେହି ମାର୍ଚ୍ଚ ମାସ ୧୭ ତାରିଖରେ ଦୀପ୍ତି ଚାଇଲ୍ଡ ଲାଇନକୁ ସବୁ କଥା ଜଣାଇଥିଲେ। ସେ ଅଧିକ ପାଠ ପଢିବାକୁ ଚାହେଁ ।</p> <p>ତେଣୁ ବାହାଘର ଅଟକାବାକୁ ସେ ନିବେଦନ କରିଥିଲେ। ଏଥିସହ ଦୀପ୍ତି ନିଜ ସ୍କୁଲ ଶିକ୍ଷୟିତ୍ରୀଙ୍କୁ ମଧ୍ୟ ଜଣାଇଥିଲେ। ଫୋନ କଲ ପାଇ ଚାଇଲ୍ଡ ଲାଇନ ସଦସ୍ୟ ଦୀପ୍ତିଙ୍କୁ ଉଦ୍ଧାର କରି ଚାଇଲ୍ଡ ଲାଇନ୍‌ ୱେଲଫେୟାର କମିଟି ନିକଟରେ ହାଜର କରିଥିଲେ। ଚାଇଲ୍ଡ ଲାଇନ୍‌ ବାହାଘର ଭାଙ୍ଗିବାକୁ ପ୍ରୟାସ କଲା । ଆଉ ଶେଷରେ ପରିବାର ଲୋକେ ରାଜି ହୋଇ ବାହାଘର ଭାଙ୍ଗି ଦେଇଥିଲେ। ପାଠପଢାର ଅଦମ୍ୟ ଇଚ୍ଛା ଶକ୍ତି ଆଗରେ ଅଭାବଅନଟନ ଯେ, ହାର ମାନିପାରେ ତାହା ଋତୁଙ୍କ କ୍ଷେତ୍ରରେ ପ୍ରମାଣିତ ହୋଇଛି। ସେହିପରି ବାଲ୍ୟ ବିବାହ ବିରୋଧରେ ଋତୁଙ୍କ ଏହି ସାହସିକ ପଦକ୍ଷେପ ଅନ୍ୟମାନଙ୍କ ପାଇଁ ଉଦାହରଣ ସୃଷ୍ଟି କରିଛି। ଋତୁ କହିଛନ୍ତି ଯେ ଯଦି ସରକାର ତାଙ୍କୁ କିଛି ସହାୟତା କରନ୍ତି ତେବେ ସେ ନିଶ୍ଚିତ ପାଠପଢି ଆଗକୁ ଯିବେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
