ଭୁବନେଶ୍ୱର(ଓଡ଼ିଶା ରିପୋର୍ଟର): ବିଦେଶୀ ମୁଦ୍ରା ଦେବା ନାଁରେ ଦୁଇ ଲକ୍ଷ ଟଙ୍କା ଚୁନ ଲଗାଇଲା ଠକ। ଜଣେ ହଜ ଯାତ୍ରୀଙ୍କ ଠାରୁ ହୋଇଛି ଏଭଳି ଠକେଇ। ଉକ୍ତ ହଜ୍ ଯାତ୍ରୀଙ୍କୁ ନକଲି ସାଉଦୀ ନୋଟ ଧରାଇ ୨ ଲକ୍ଷ ଟଙ୍କା ନେଇଯାଇଛି ଠକ। ଏନେଇ ଭୁବନେଶ୍ୱର ବଡ଼ଗଡ଼ ଥାନାରେ ହୋଇଛି ଅଭିଯୋଗ। ପୁଲିସ ଏହି ମାମଲାକୁ ଗୁରୁତର ସହ ନେଇ ତଦନ୍ତ ଆରମ୍ଭ କରିଛି।
ଅଭିଯୋଗକାରୀ ବ୍ୟକ୍ତି ସାଉଦି ଆରବ ହଜ୍ ଯାତ୍ରା କରିବାକୁ ପ୍ରସ୍ତୁତି କରୁଥିଲେ। ଏହି ସମୟରେ କଟକର ଜଣେ ବ୍ୟକ୍ତି ତାଙ୍କୁ ଯୋଗାଯୋଗ କରିଥିଲା। ହଜ ଯାତ୍ରା ପାଇଁ ଆବଶ୍ୟକ ସାଉଦୀ ଆରବ ମୁଦ୍ର ସେ ଯୋଗାଇ ଦେବାକୁ କହି ଠକ ଜଣକ ଜାଲରେ ଫସାଇଥିଲା। କମ ଟଙ୍କା ବଦଳରେ ସାଉଦି ମୁଦ୍ରା ପାଇବା ଲୋଭରେ ଶେଷରେ ଟଙ୍କା ଠକେଇ ଶିକାର ହୋଇଥିଲେ ଅଭିଯୋଗକାରୀ । ଏନେଇ ଅଭିଯୋଗ ପରେ ମାମଲା ରୁଜୁ କରି ଠକକୁ ଖୋଜୁଛି ପୁଲିସ।
ଆଉ କିଏ ଏଭଳି ଠକେଇର ଶିକାର ହୋଇଥିଲେ, ତୁରନ୍ତ ଅଭିଯୋଗ କରିବାକୁ ଭୁବନେଶ୍ୱର ଡିସିପି ପ୍ରତିକ୍ ସିଂହ ଅପିଲ୍ କରିଛନ୍ତି। ମୁଦ୍ରା ଏକ୍ସଚେଞ୍ଜକୁ ଯାଇ ମୁଦ୍ରା ସଂଗ୍ରହ କରିବାକୁ ସେ ପରାମର୍ଶ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
