ପଶ୍ଚିମବଙ୍ଗରୁ କଟକ ବଡ଼ ଡାକ୍ତରଖାନା ଆସୁଥିଲେ, କିନ୍ତୁ ବାଟରେ…

<p>ସୋର: ଚିକିତ୍ସା ହେବାକୁ ପଶ୍ଚିମବଙ୍ଗରୁ କଟକ ବଡ଼ ଡାକ୍ତରଖାନା ଆସୁଥିଲେ। କିନ୍ତୁ ପହଞ୍ଚି ପାରିଲେନି। ତାଙ୍କୁ ନେଇ ଆସୁଥିବା ଆମ୍ବୁଲାନ୍ସଟି ବାଟରେ ରାସ୍ତାକଡ଼ରେ ଛିଡ଼ା ହୋଇଥିବା ଏକ ଟ୍ରକ୍&zwnj;କୁ ପିଟି ଦେଲା। ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଲା। ତାଙ୍କ ସହିତ ତାଙ୍କ ଭାଇଙ୍କର ବି ପ୍ରାଣ ଚାଲିଗଲା। ଆଉ ଦୁଇ ଜଣ ସଂପର୍କୀୟ ଗୁରୁତର ଆହତ ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି।</p> <p>ଏହି ଦୁଃଖଦ ଘଟଣା ଘଟିଛି ବାଲେଶ୍ୱର ଜିଲ୍ଲା ସୋର ଥାନା ନିକଟସ୍ଥ ୧୬ ନମ୍ବର ଜାତୀୟ ରାଜପଥରେ। ମୃତକ ଦ୍ୱୟ ହେଲେ ବୁଲବୁଲ ବିବି ଓ ସେଖ୍ ଲିକୋ। ଆହତ ଦ୍ୱୟ ହେଲେ ଇନତାହ ଖାଁ ଓ ପାତେନା ବିବି। ସମସ୍ତ ମୃତାହତ ପଶ୍ଚିମବଙ୍ଗର ଏଗ୍ରା ଥାନା ଅନ୍ତର୍ଗତ ମିର୍ଜାପୁର ଅଞ୍ଚଳର।</p> <p>ବୁଲବୁଲ ବିବିଙ୍କୁ ବ୍ରେନ୍ ଟ୍ୟୁମର ହୋଇଥିଲା। ଚିକିତ୍ସା ପାଇଁ ତାଙ୍କୁ କଟକ ବଡ଼ ଡାକ୍ତରଖାନା ଅଣାଯାଉଥିଲା। ତେବେ ସୋର ଥାନା ନିକଟରେ ତାଙ୍କୁ ନେଇ ଆସୁଥିବା ଆମ୍ବୁଲାନ୍ସଟି ରାସ୍ତା କଡ଼ରେ ଛିଡ଼ା ହୋଇଥିବା ଏକ ଟ୍ରକ୍&zwnj;କୁ ପଛ ପଟୁ ଧକ୍କା ଦେଇଥିଲା। ଘଟଣାସ୍ଥଳରେ ହିଁ ବୁଲବୁଲ ବିବି ଓ ତାଙ୍କ ଭାଇଙ୍କର ମୃତ୍ୟୁ ହୋଇଯାଇଥିଲା। ଆମ୍ବୁଲାନ୍ସଟି ଚୂରମାର ହୋଇଯାଇଛି। ଆମ୍ବୁଲାନ୍ସ ଡ୍ରାଇଭର ଫେରାର ହୋଇଯାଇଛନ୍ତି।</p>