ଧର୍ମଗଡ଼(ଇଙ୍ଗିତ ପଣ୍ଡା):କଳାହାଣ୍ଡି ଜିଲ୍ଲାର କଲମପୁର ସିଙ୍ଗାରିଘାଟି ରାସ୍ତା ନିର୍ମାଣରେ ବିଳମ୍ୱ ଯୋଗୁ ସ୍ଥାନୀୟ ଲୋକେ ଆଜି ଗୁମାବାହାଲ ନିକଟରେ ରାସ୍ତାରୋକ କରିଛନ୍ତି। ଫଳରେ ରାସ୍ତାର ଉଭୟ ପାର୍ଶ୍ୱରେ ଯାନବାହନ ଅଟକି ରହିଛି।
ସୂଚନାଯୋଗ୍ୟ, ବର୍ଷ ବର୍ଷ ଧରି ସିଙ୍ଗାରିଘାଟି ରାସ୍ତା କାମକୁ ଠିକାଦାର ଅଧପନ୍ତରିଆ ଭାବେ ପକେଇ ରଖିଛି। ଫଳରେ ଥୁଆମୂଳ-ରାମପୁର ଏବଂ କାଶୀପୁରକୁ ସଂଯୋଗ କରୁଥିବା ଏହି ରାସ୍ତା ବ୍ୟବହାର ଉପଯୋଗୀ ନୁହେଁ। ରାସ୍ତାରେ ବଡ଼ ବଡ଼ ମେଟାଲ ଉଠିବା ସହିତ ଧୂଳି ଧୂଆଁରେ ସ୍ଥାନୀୟ ଲୋକେ ଅତିଷ୍ଠ ହୋଇ ପଡ଼ିଲେଣି। ଏନେଇ ଲୋକେ ପିଡବ୍ଲ୍ୟୁଡି ବିଭାଗକୁ ବାରମ୍ୱାର ଅଭିଯୋଗ ପରେ ମଧ୍ୟ କୌଣସି ସୁଫଳ ନ ମିଳିବାରୁ ଆଜି ସକାଳେ ରାସ୍ତା କାମ ତୁରନ୍ତ ଆରମ୍ଭ କରିବା ଦାବିରେ ରାସ୍ତାରୋକ କରାଯାଇଛି। ଘଟଣାସ୍ଥଳରେ କଲମପୁର ବିଡିଓ ଓ ପୁଲିସ୍ ପହଞ୍ଚି ଉତ୍ତ୍ୟକ୍ତ ଲୋକଙ୍କୁ ବୁଝାସୁଝା କରୁଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
