ଜଗତସିଂହପୁର: ଜଗତସିଂହପୁର ଝଙ୍କଡର ମାଆ ଶାରଳା ପୀଠରେ ବଡଠାକୁର ବଳଭଦ୍ରଙ୍କର ନିକଟରେ ଆଜି ଅଙ୍କୁରାରୋପଣ ଦାରୁ ସ୍ନାନ ବିଧି ରହିଛି। ଏହାପରେ ବିଭିନ୍ନ ପାରମ୍ପାରିକ ପୂଜାର୍ଚ୍ଚନା ସହ ଆସନ୍ତାକାଲିଠୁ ଆରମ୍ଭ ହେବ ମହାଯଜ୍ଞ। ଏହାପରେ ଦାରୁଛେଦନ କାର୍ଯ୍ୟପାଇଁ ବିଭିନ୍ନ ବିଧି ଆରମ୍ଭ ହେବ।
ଅନ୍ୟପକ୍ଷରେ ସୁଦର୍ଶନଙ୍କ ଦାରୁ ଶଗଡି ପୁରୀ ଯାତ୍ରା କରିବା ପରେ ଝଙ୍କଡରେ ପହଞ୍ଚିଛନ୍ତି ଦଇତାପତି। ମହାପ୍ରଭୁଙ୍କ ଆଜ୍ଞାମାଳ ନେଇ ଶ୍ରୀମନ୍ଦିର ତଢଇକରଣ ଶାରଳା ପୀଠରେ ପହଞ୍ଚି ସାରିଛନ୍ତି। ପ୍ରଶାସନ ପକ୍ଷରୁ ଶବରପଲ୍ଲୀ ଓ ଯଜ୍ଞମଣ୍ଡପର ପ୍ରସ୍ତୁତି ଶେଷ ହୋଇଛି। ଏଥିପାଇଁ ଏବେ ଏହିପୀଠ ଆକର୍ଷଣର କେନ୍ଦ୍ରବିନ୍ଦୁ ପାଲିଟିଛି । ଦାରୁ ଦର୍ଶନ ପାଇଁ ରାଜ୍ୟର କୋଣ ଅନୁକୋଣରୁ ଛୁଟି ଆସୁଛନ୍ତି ଶ୍ରଦ୍ଧାଳୁ। ଧୂପ,ଦୀପ ଓ ନୈବେଦ୍ୟରେ ମହକୁଛି ଏହି ପୀଠ।
ଦାରୁଛେଦନ ପାଇଁ ଦଇତାଙ୍କ ରହଣୀ ପାଇଁ ଶବରପଲ୍ଲୀ ଓ ଯଜ୍ଞମଣ୍ଡପ ଆଦି ମଧ୍ୟ ନିର୍ମାଣ କାର୍ଯ୍ୟ ଚାଲିଛି। ଚଳିତ ମାସ ୨୨ ଓ ୨୩ ତାରିଖରେ ଯଜ୍ଞ ହେବାପରେ ୨୪ରେ ବଡ ଠାକୁରଙ୍କ ଦାରୁଛେଦନ କରାଯିବ।