ପୋଲିସ୍‌ର ‘ଥାର୍ଡ ଡିଗ୍ରୀ’ ସେବା ! ପିଟି ପିଟି ଫଟେଇ ଦେଉଛନ୍ତି

<p>ଭୁବନେଶ୍ୱର (ଓଡ଼ିଶା ରିପୋର୍ଟର): କଥାରେ ଅଛି &lsquo;ବାଡ଼ ଯଦି ଫସଲ ଖାଇଲା ତେବେ ସୁରକ୍ଷା ଦେବ କିଏ&rsquo; ? ଏବେ ଏମିତି ପ୍ରଶ୍ନ ଛିଡ଼ା ହୋଇଛି ରାଜ୍ୟ ପୋଲିସ ବିରୋଧରେ। କାରଣ କେଉଁଠି ବୃଦ୍ଧା ତ କେଉଁଠି ଯୁବତୀ, ଆଉ କେଉଁଠି ଥାନା ହାଜତରେ ଯୁବକଙ୍କୁ ଥାର୍ଡ ଡିଗ୍ରୀ ଅଭିଯୋଗ। ପିଟି ପିଟି ଦେହର ବିଭିନ୍ନ ଅଂଶ ଫଟେଇ ଦେଉଛନ୍ତି। ଗତ କିଛିଦିନ ହେଲା କ୍ରମାଗତ ଭାବେ ପୋଲିସ ବିରୋଧରେ ଆସୁଛି ଏଭଳି ସାଂଘାତିକ ଅଭିଯୋଗ। ଯାହାକୁ ନେଇ ବିଭିନ୍ନ ମହଲରେ ଉଦବେଗ ପ୍ରକାଶ ପାଇବାରେ ଲାଗିଛି।</p><p>ପ୍ରଥମେ ନିମାପଡ଼ା, ପରେ ଭୁବନେଶ୍ୱର। ଆଉ ଏବେ ବରଗଡ଼। ସବୁଠି ନିର୍ଯାତନାର ଯନ୍ତ୍ରଣାଦାୟକ କାହାଣୀ। ସବୁଠି ଖାକି ବିରୋଧରେ ସାଂଘାତିକ ଅଭିଯୋଗ। ଥାନା ହାଜତରେ ଥାର୍ଡ ଡିଗ୍ରୀ ଭଳି ସଂଗୀନ ଅଭିଯୋଗା &lsquo;ୱେ ସର୍ଭ ଆଣ୍ଡ ପ୍ରୋଟେକ୍ଟ&rsquo; ଅର୍ଥାତ୍ &lsquo;ଆମେ ସେବା ଓ ସୁରକ୍ଷା ଦେବୁ&rsquo; ବୋଲି ପ୍ରଭାବଶାଳୀ ସ୍ଲୋଗାନ୍ ଦେଉଥିବା ଓଡ଼ିଶା ପୋଲିସ ବିରୋଧରେ ଆସୁଛି ଏମିତି ଗୋଟିଏ ପରେ ଗୋଟିଏ ଅଭିଯୋଗ। ମାନବାଧିକାର କର୍ମୀଙ୍କ ଅଭିଯୋଗ ହେଲା, ଅଭିଯୁକ୍ତ ପୋଲିସ କର୍ମଚାରୀଙ୍କ ବିରୋଧରେ ତଦନ୍ତ କରୁଛି ନିଜେ ପୋଲିସ। ଆବଶ୍ୟକ ସ୍ଥଳେ ମାନବାଧିକାର କମିଶନରେ ହେଉଥିବା ଅଭିଯୋଗ ମାନବ ସମ୍ବଳ ଅଭାବରୁ ବିଚାର ହୋଇପାରୁନି। ପୂର୍ବରୁ ଥିବା ପୋଲିସ କମ୍ପ୍ଲେଣ୍ଟ ଅଥରିଟି ମଧ୍ୟ ୨୦୧୩ରୁ ଓଡ଼ିଶାରେ ବନ୍ଦ ହୋଇପଡ଼ିଛି। ପରିଣାମ ସ୍ୱରୂପ ଅଭିଯୁକ୍ତ ପୋଲିସ କର୍ମଚାରୀଙ୍କ ବିରୋଧରେ ଆଖିଦୃଶିଆ ଦଣ୍ଡବିଧାନ କରାଯାଇପାରୁନି।</p><p>ନିମାପଡ଼ା ଥାନାରେ ଜଣେ ବୃଦ୍ଧାଙ୍କୁ ଆକ୍ରମଣ ଅଭିଯୋଗ ଘଟଣାରେ ସଂପୃକ୍ତ ଆଇଆଇସିଙ୍କୁ ନିଲମ୍ବିତ କରାଯାଇଛି। ଭୁବନେଶ୍ୱର ନୟାପଲ୍ଲୀ ଥାନାରେ ଦୁଇ ଯୁବତୀଙ୍କୁ ନିସ୍ତୁକ ମାଡ଼ ଅଭିଯୋଗ ଘଟଣାରେ ୩ ଅଧିକାରୀଙ୍କୁ ଅନ୍ୟତ୍ର ବଦଳି କରାଯାଇଛି। ବରଗଡ଼ ଟାଉନ ଥାନାରେ ଯୁବକଙ୍କୁ ମାଡ଼ ଘଟଣାରେ ମିଳିଛି କାର୍ଯ୍ୟାନୁଷ୍ଠାନର ପ୍ରତିଶ୍ରୁତି। ବର୍ତ୍ତମାନ ପାଇଁ ଏତିକି ହିଁ କାର୍ଯ୍ୟାନୁଷ୍ଠାନ ହୋଇଛି। ଏଭଳି ଘଟଣା ବାରମ୍ବାର ସାମ୍ନାକୁ ଆସୁଥିବା ବେଳେ କାହିଁକି ପୋଲିସ୍&zwnj; ନିଜ ଆଚରଣକୁ ସୁଧାରି ପାରୁନାହାଁନ୍ତି ତାହା ଏବେ ପ୍ରଶ୍ନ ଉଠିବାରେ ଲାଗିଛି। ବିଭିନ୍ନ ସମୟରେ ପୋଲିସ-ପବ୍ଲିକ ସମ୍ପର୍କକୁ ମଜଭୁତ କରିବା ପାଇଁ ପଦକ୍ଷେପ ନିଆଯାଉଥିଲେ ହେଁ, କାହିଁକି ବଦଳିପାରୁନି ପୋଲିସ ପ୍ରତି ଥିବା ସାଧାରଣ ଜନତାଙ୍କ ମନୋଭାବ ?</p><p>ଗତ କିଛିଦିନ ତଳେ ସାଂସଦ ବୈଜୟନ୍ତ ପଣ୍ଡା ମଧ୍ୟ ଏକ ଇଂରାଜୀ ଖବରକାଗଜର ସ୍ତମ୍ଭରେ ପୋଲିସ ବ୍ୟବହାରରେ ସଂସ୍କାର ପ୍ରସଙ୍ଗ ନେଇ ନିଜର ମତ ଉପସ୍ଥାପନ କରିଥିଲେ। ଯେଉଁଥିରେ ସେ ପୋଲିସ ବିଭାଗରେ ରାଜନୀତିକୁ ଦୂର କରି ସଂସ୍କାର ଆଣିବା, ସୁପ୍ରିମକୋର୍ଟଙ୍କ ୭ ନିର୍ଦ୍ଦେଶନାମା କାର୍ଯ୍ୟକାରୀ ହୋଇ ନଥିବା ଏବଂ ରାଜନୈତିକ ହସ୍ତକ୍ଷେପ ଦୂର କରିବା ଲାଗି ଗୁରୁତ୍ୱପୂର୍ଣ୍ଣ ଷ୍ଟେଟ୍ ସିକ୍ୟୁରିଟି କମିଶନ (ଏସ୍&zwnj;ଏସ୍&zwnj;ସି) ଗଠନ ଉପରେ ଗୁରୁତ୍ୱାରୋପ କରିଥିଲେ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।