ଭଦ୍ରକ(ପାର୍ଥସାରଥୀ ନାୟକ): ‘କରୋନା’ ମୁକାବିଲା ଲାଗି ସାରା ଦେଶରେ ଲକ୍ଡାଉନ ଘୋଷଣା ହୋଇଥିବା ବେଳେ ଭଦ୍ରକରେ ଏହାକୁ ଉଲ୍ଲଘଂନ ହୋଇଥିବା ଦେଖିବାକୁ ମିଳିଛି। ଆମ୍ବୁଲାନ୍ସରେ ଯାତ୍ରୀଙ୍କୁ ବୁହାଯାଉଥିବା ଅଭିଯୋଗ ହୋଇଛି। ଏ ସମ୍ପର୍କରେ ଜାଣିପାରି ଟାଉନ ଥାନା ପୁଲିସ ଉକ୍ତ ଆମ୍ବୁଲାନ୍ସକୁ ଜବତ କରି ଆରଟିଓକୁ ହସ୍ତାନ୍ତର କରିଛି।
ଭଦ୍ରକ ମେଡିକାଲ୍ରେ ନିୟୋଜିତ ଏକ ଆମ୍ୱୁଲାନ୍ସ ରାଣୀତାଲ୍ ଆଡୁ ୭ରୁ ୮ ଜଣଙ୍କୁ ଧରି ଟାଉନ୍ ଅଭିମୁଖେ ଯାଉଥିଲା। ତେବେ ଚରମ୍ପା ନିକଟରେ ସ୍ଥାନୀୟ ଲୋକେ ଏହା ଦେଖି ପୁଲିସକୁ ଖବର ଦେଇଥିଲେ। ଚାଳକ ଏ ସମ୍ପର୍କରେ ଜାଣିପାରି ଆମ୍ୱୁଲାନ୍ସ ଛାଡ଼ି ଚମ୍ପଟ ମାରିଥିଲା। ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ଆମ୍ୱୁଲାନ୍ସକୁ ଜବତ କରି ଆର୍ଟିଓ ଅଧିକାରୀଙ୍କୁ ହସ୍ତାନ୍ତର କରିଛନ୍ତି। ଏଥିପାଇଁ ଅମ୍ୱୁଲାନ୍ସକୁ ୩୧ ହଜାର ୫୦୦ ଟଙ୍କା ଜୋରିମାନା କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
