ବ୍ରହ୍ମପୁର(ଜଗନ୍ନାଥ ସାହୁ):ଗଞ୍ଜାମ ଜିଲ୍ଲା ଛତ୍ରପୁରର ବହୁଚର୍ଚ୍ଚିତ ଲକ୍ଷ୍ମୀଦତ୍ତ ପ୍ରଧାନ ହତ୍ୟା ଘଟଣାରେ ପୁଲିସ୍ ଆଉ ଜଣେ ଅଭିଯୁକ୍ତକୁ ଗିରଫ କରିଛି। ଅଭିଯୁକ୍ତ ଜଣକ ହେଲେ ପୋଲସରା ଥାନା ଅନ୍ତର୍ଗତ ପେଣ୍ଡ୍ରିପଡ଼ା ଗାଁର ସୁବ୍ରତ ପଟ୍ଟନାୟକ ଓରଫ ଲକି।
ଛତ୍ରପୁର ଥାନା ପୁଲିସ୍ ସୁବତ୍ରକୁ ଗିରଫ କରିବା ପରେ କୋର୍ଟ ଚାଲାଣ କରିଛି।
ସୂଚନାଯୋଗ୍ୟ, ୨୦୧୭ ସେପ୍ଟେମ୍ବର ୧୬ ତାରିଖରେ ଯୁବନେତା ଲକ୍ଷ୍ମୀଦତ୍ତ ପ୍ରଧାନଙ୍କୁ ହତ୍ୟା କରାଯାଇଥିଲା। ଏହି ଘଟଣାରେ ସୁବ୍ରତଙ୍କୁ ମିଶାଇ ମୋଟ ୧୯ ଜଣଙ୍କୁ ଗିରଫ କରାଗଲାଣି। ଏବେ ବି ଆଉ କିଛି ଅଭିଯୁକ୍ତ ଫେରାର ଥିବା ଓ ସେମାନଙ୍କୁ ଗିରଫ କରିବାକୁ ଉଦ୍ୟମ ଜାରି ରହିଥିବା ପୁଲିସ୍ କହିଛି।