ଆରପାରିରେ ପ୍ରସିଦ୍ଧ ଭଜନ ଗାୟକ ଅରବିନ୍ଦ ମୁଦୁଲି

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବିଶିଷ୍ଟ ଭଜନ ଗାୟକ ଅରବିନ୍ଦ ମୁଦୁଲିଙ୍କ ୫୬ ବର୍ଷ ବୟସରେ ପରଲୋକ ହୋଇଯାଇଛି। &nbsp;ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ହୃଦଘାତରେ ତାଙ୍କର ମୃତ୍ୟୁ ହୋଇଛି। ସେ ଗତକାଲି ରାତିରେ ହଠାତ୍&zwnj; ଅସୁସ୍ଥ ଅନୁଭବ କରିଥିଲେ। ତେଣୁ ରାତି ପ୍ରାୟ ୨ଟା ବେଳେ ତାଙ୍କୁ ଭୁବନେଶ୍ୱରର ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ହେଲେ ଚିକିତ୍ସାଧୀନ ଅବସ୍ଥାରେ ରାତି ପ୍ରାୟ ସାଢ଼େ ୩ଟା ବେଳେ ସେ ଶେଷ ନିଶ୍ୱାସ ତ୍ୟାଗ କରିଥିଲେ।&lt;a href=&quot;&quot;&gt;(image) &lt;/a&gt;</p> <p>ଖୋର୍ଦ୍ଧା ଜିଲ୍ଲା ଖଣତି ଗାଁରେ ଜନ୍ମ ଗ୍ରହଣ କରିଥିବା ଅରବିନ୍ଦ ମଦୁଲି ଭୁବନେଶ୍ୱରର ଭୀମଟାଙ୍ଗି ଅଞ୍ଚଳରେ ରହୁଥିଲେ। ଆଜି ତାଙ୍କ ମର ଶରୀରକୁ ତାଙ୍କର ପୈତୃକ ଘର ଖଣତିକୁ ନିଆଯିବ। ଏହାପରେ ପୁରୀ ସ୍ୱର୍ଗ ଦ୍ୱାରରେ ନେଇ ଶେଷକୃତ୍ୟ ସଂପନ୍ନ କରାଯିବ ବୋଲି ତାଙ୍କ ପରିବାର ଲୋକେ କହିଛନ୍ତି।</p> <p>&lsquo;ବାଲି ଖେଳୁଥିଲେ&rsquo;, &lsquo;କଳା ସାଆନ୍ତେ&rsquo;, &lsquo;ରହିଯାରେ ରହିଯା ତୁ ଜଗାକାଳିଆ&rsquo;, &lsquo;ଜଗା ପାଇଁ ନିତି ମଲିଫୁଲ ଖଞ୍ଜା ନା&rsquo; ଭଳି ଅନେକ ଓଡ଼ିଆ ଭଜନ ଗାଇ ସେ ଶ୍ରୋତାଙ୍କ ମନ ଜିଣିଥିଲେ। ତାଙ୍କ ବିୟୋଗରେ ଓଡ଼ିଆ ଭଜନ ଜଗତରେ ଶୋକର ଛାୟା ଖେଳି ଯାଇଛି।</p> <p>https://youtu.be/1YH4nICg3NQ</p>