ଅସ୍ଥାୟୀ ପୋଲ ଭାସିଯିବାରୁ କେନ୍ଦୁଝର-କଟକ ୨୧୫ ନମ୍ୱର ଜାତୀୟ ରାଜପଥ ୪ ଦିନ ହେଲା ବନ୍ଦ

ଆନନ୍ଦପୁର: ପ୍ରବଳ ବର୍ଷା ଯୋଗୁଁ କଟ୍ରାବେଡା ଠାରେ ସୀତାନଦୀ ଉପରେ ଏକ ଅସ୍ଥାୟୀ ପୋଲ ବନ୍ୟା ଜଳରେ ଭାସିଯିବା ଦ୍ୱାରା କେନ୍ଦୁଝର-କଟକ ୨୧୫ ନମ୍ୱର ଜାତୀୟ ରାଜପଥ ସୋମବାର ମଧ୍ୟରାତିରୁ ବନ୍ଦ ହୋଇଯାଇଛି। ଫଳରେ କେନ୍ଦୁଝର ସଦର ମହକୁମାରୁ ଆନନ୍ଦପୁର, ଆନନ୍ଦପୁର ପାଣିକୋଇଲି ଦେଇ କଟକ ଭୁବନେଶ୍ୱର କୁ ଯୋଗାଯୋଗ ସମ୍ପୁର୍ଣ୍ଣ ବିଛିନ୍ନ ହୋଇଯାଇଛି।

ଭାରି ଯାନ ଗୁଡିକ ଜାତୀୟ ରାଜପଥର ବିଭିନ୍ନ ସ୍ଥାନାରେ ରାସ୍ତା କଡରେ ଅଟକି ରହିଛି। ଛୋଟ ଛୋଟ ଯାନ ଓ ବସଗୁଡିକ ଢେଙ୍କିକୋଟରୁ ପାଟଣା ରାସ୍ତା ଦେଇ ଦୀର୍ଘ ୨୭ ରୁ ୨୮ କିଲୋମିଟର ଅଧିକ ରାସ୍ତା ଅତିକ୍ରମ କରି କେନ୍ଦୁଝରରେ ପହଞ୍ଚୁଛନ୍ତି। ଜାତୀୟ ରାଜପଥ ନିର୍ମାଣ କରୁଥିବା ଠିକା ସଂସ୍ଥା ପକ୍ଷରୁ ଅସ୍ଥାୟୀ ପୋଲ ନିର୍ମାଣ ସ୍ଥାନରେ ଯୁଦ୍ଧକାଳିନ ଭିତିରେ କାର୍ଯ୍ୟଆରମ୍ଭ ହୋଇଥିବା ଏବଂ ଗୁରୁବାର ରାତି ସୁଦ୍ଧା କାର୍ଯ୍ୟ ସମାପ୍ତ ହେବ ବୋଲି ପ୍ରକାଶ କରିଛନ୍ତି ।