ଭୁବନେଶ୍ୱର: ଆସନ୍ତାକାଲିଠାରୁ ଆରମ୍ଭ ହେଉଛି ସଂସଦର ମୌସୁମୀ ଅଧିବେଶନ। ଏଥିରେ ଛତିଶଗଡ ଦ୍ୱାରା ମହାନଦୀର ଉପରମୁଣ୍ଡରେ ପ୍ରକଳ୍ପ ନିର୍ମାଣକୁ ମୁଖ୍ୟ ପ୍ରସଙ୍ଗ କରିବ ବିଜେଡି। ଏହାସହ ବିବାଦୀୟ ପୋଲାଭରମ ପ୍ରସଙ୍ଗରେ ମଧ୍ୟ କେନ୍ଦ୍ର ସରକାରଙ୍କ ଦୃଷ୍ଟି ଆକର୍ଷଣ କରିବାକୁ ଚେଷ୍ଟା କରିବେ ବିଜେଡି ସାଂସଦ।
ଲୋକସଭା ବିଜେଡି ସଂସଦୀୟ ଦଳ ନେତା ଭର୍ତ୍ତୃହରି ମହତାବ କହିଛନ୍ତି, “ମହାନଦୀର ଉପରମୁଣ୍ଡରେ ଯେଉଁଭଳି ଭାବେ ଛତିଶଗଡ ସରକାର ବ୍ୟାରେଜ୍ ନିର୍ମାଣ କରିବାକୁ ଚାହୁଁଛି ଏଥିନେଇ ଆମେ ସାଂସଦରେ ଓଡ଼ିଶାର ପକ୍ଷ ରଖିବୁ। କେନ୍ଦ୍ର ସରକାର ତାମିଲନାଡୁ, ମହାରାଷ୍ଟ୍ର ଓ ଗୁଜରାଟର ସ୍ୱାର୍ଥକୁ ରକ୍ଷା କରିବାକୁ ଯେଉଁଭଳି ଭାବେ ୧ ପ୍ରତିଶତ ସେସ୍ ଲାଗୁ କରିବାକୁ ଫ୍ରିଫେରନ୍ସିଆଲ୍ ଟ୍ରିଟ୍ମେଣ୍ଟ କରୁଛି ସେ ନେଇ ମଧ୍ୟ ଆମେ ମତ ରଖିବୁ। ତାହାକୁ ଆମେ ପରିର୍ଦ୍ଧିତ କରିବାକୁ ଚାହୁଁଛୁ। ଓଡ଼ିଶା ପରି ସମସ୍ତ ଖଣିଜ ସମ୍ପଦ ଭରା ରାଜ୍ୟକୁ ୧ ପ୍ରତିଶତ ସେସ୍ ଦେବାକୁ ଦାବି କରିବୁ। ଏହାସହ କିଛି ସଂଶୋଧନ ପରେ ଜିଏସ୍ଟି ବିଲ୍କୁ ସର୍ମଥନ କରିବୁ।”