ଏଟି ଲିଙ୍କ୍: ସାଗର ରାୟଙ୍କୁ ମିଳିଲା ଜାମିନ୍  

ଭୁବନେଶ୍ୱର: ଅର୍ଥତତ୍ତ୍ୱ ଚିଟଫଣ୍ଡ୍ ଠକେଇ ମାମଲାରେ ଗିରଫ ହୋଇ ଜେଲରେ ଥିବା ବିଲଡର ସାଗର ରାୟଙ୍କୁ ମଙ୍ଗଳବାର ମିଳିଛି ଜାମିନ। ଓଡ଼ିଶା ହାଇକୋର୍ଟ ତାଙ୍କୁ ଜାମିନ ପ୍ରଦାନ କରିଛନ୍ତି। ୫ କୋଟି ଟଙ୍କାର ବ୍ୟାଙ୍କ ଜମା ବଦଳରେ ଉଚ୍ଚ ନ୍ୟାୟାଳୟ ତାଙ୍କୁ ଜାମିନ ପ୍ରଦାନ କରିଛନ୍ତି। ସାଗର ରାୟ ଅର୍ଥତତ୍ତ୍ୱ ଗ୍ରୁପଠାରୁ ନିଜ ଆକାଉଣ୍ଟ ଏବଂ ନିଜ କଂପାନୀ ଅରିସନ ଓଭରସିଜ୍ ଆକାଉଣ୍ଟ ମାଧ୍ୟମରେ ବିପୁଳ ଅର୍ଥ ସଂଗ୍ରହ କରିଥିବା ସିବିଆଇ ପ୍ରମାଣ ପାଇଥିଲା। ଏହା ସହ ଏହି ସବୁ ଅର୍ଥ କେଉଁ ଉଦ୍ଦେଶ୍ୟରେ ଓ କାହିଁକି ଆଣିଥିଲେ ତା’ର କୌଣସି ସନ୍ତୋଷଜନକ ଉତ୍ତର ସେ ସିବିଆଇ ନିକଟରେ ଦେଇ ପାରି ନଥିଲେ। ଜମି ଓ ଆପାର୍ଟମେଣ୍ଟ ନେଇ ଏଟି ସହ ତାଙ୍କର ଡିଲ୍ ମଧ୍ୟ ହୋଇଥିଲା। ଏହା ସହ ଓପିଏଲରେ ଅର୍ଥତତ୍ତ୍ୱ ସ୍ପନସର ଥିବାରୁ ଏଟି ସହ ତାଙ୍କର ଲିଙ୍କ୍ ଥିବା ଜଣାପଡ଼ିଥିଲା। ଗତ ବର୍ଷ ନଭେମ୍ବର ୧୪ ତାରିଖରେ ସିବିଆଇ ତାଙ୍କୁ ଗିରଫ କରିଥିଲା।