ସୋର(ଶଶିକାନ୍ତ ବେହେରା): ବାଇକ୍ରେ ସ୍ତ୍ରୀ ଓ ପିଲାଙ୍କୁ ନେଇ ଶ୍ୱଶୁର ଘରକୁ ଯିବାବେଳେ ଜଣେ ଯୁବକଙ୍କୁ କିଛି ଦୁର୍ବୃତ୍ତ ଭୁଜାଲିରେ ଆକ୍ରମଣ କରିଥିବା ଜଣାଯାଇଛି। ଯୁବକଜଣକ ଗୁରୁତର ହୋଇଥିବା ବେଳେ ତାଙ୍କୁ ବାଲେଶ୍ୱର ମେଡିକାଲରେ ଭର୍ତ୍ତି କରାଯାଇଛି। ଏପରି ଘଟଣା ଗତକାଲି ବିଳମ୍ବିତ ରାତିରେ ବାଲେଶ୍ୱର ଜିଲ୍ଲା ଆହାରପୁର ଗାଁ ନିକଟରେ ଘଟିଛି। ଗୁରୁତର ଯୁବକଜଣକ ହେଲେ ସୋର ଥାନା କୁରୁଡ଼ା ଗାଁର ଚିତ୍ତରଞ୍ଜନ ଦାସ ।
ଚିତ୍ତରଞ୍ଜନ ସ୍ତ୍ରୀ ଓ ୨ ପିଲାଙ୍କୁ ନେଇ ବିଳମ୍ବିତ ରାତିରେ ଶ୍ୱଶୁର ଘର ବାସୁଦେବପୁର ଥାନା ଅନ୍ତର୍ଗତ ବିନାୟକପୁରକୁ ଯାଉଥିଲେ । ତେବେ ରାସ୍ତାରେ କିଛି ଦୁର୍ବୃତ୍ତ ତାଙ୍କୁ ଅଟକାଇ ଅତର୍କିତ ଆକ୍ରମଣ କରିଥିଲେ । ଏହି ଘଟଣାରେ ପୁଲିସ୍ ଜଣଙ୍କୁ ଅଟକ ରଖି ପଚରାଉଚରା କରୁଥିବା ବେଳେ ଅନ୍ୟ ୨ ଜଣ ଫେରାର ହୋଇଯାଇଛନ୍ତି। ତେବେ କେଉଁ କାରଣରୁ ଉକ୍ତ ଯୁବକମାନେ ଚିତ୍ତରଞ୍ଜନଙ୍କୁ ଆକ୍ରମଣ କଲେ ତାହା ଜଣାପଡ଼ୁ ନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
