ଆଶା କର୍ମୀଙ୍କ ହାତରେ ଠେଙ୍ଗା, ଅମାନିଆଙ୍କୁ ପେଟେଣ୍ଟ ମେଡ଼ିସିନ

ଭଦ୍ରକ(ପାର୍ଥ ସାରଥୀ ନାୟକ): “ସାବଧାନ ହୋଇଯାଅନ୍ତୁ , ଅମାନିଆ ହୁଅନ୍ତୁ ନାହିଁ । ମାସ୍କ ମୁହଁରେ ନ ପିନ୍ଧି ବୁଲନ୍ତୁ ନାହିଁ।” ଏଭଳି ନିଆରା ଢଙ୍ଗରେ ରାସ୍ତାରେ ଠେଙ୍ଗା ଧରି ସଚେତନ କରୁଛନ୍ତି ଆଶା କର୍ମୀ ଓ ଅଙ୍ଗନବାଡି କର୍ମୀ। ଏଭଳି ଦୃଶ୍ୟ ଦେଖିବାକୁ ମିଳିଛି ଭଦ୍ରକ ଜିଲ୍ଲା ଗୁଆମାଳରେ।

ଅଙ୍ଗନବାଡି କର୍ମୀ ସଂଯୁକ୍ତା ପାଣିଗ୍ରାହୀ ଓ ଆଶା କର୍ମୀ ସବିତା ବେଜ୍ ଲୋକମାନଙ୍କୁ ମାସ୍କ ପିନ୍ଧିବାକୁ କହୁଛନ୍ତି। ଏହାସହ ଯେଉଁମାନେ ମାସ୍କ ନ ପିନ୍ଧି ବୁଲୁଛନ୍ତି, ସେମାନଙ୍କୁ ଠେଙ୍ଗା ଦେଖାଇ ମାସ୍କ ପିନ୍ଧିବାକୁ ବାଧ୍ୟ କରୁଛନ୍ତି। ଲୋକମାନେ ମଧ୍ୟ ସେମାନଙ୍କ କଥାକୁ ମାନୁଛନ୍ତି। ସେମାନଙ୍କୁ ଦେଖିଲା ମାତ୍ରେ ମୁହଁରେ ମାସ୍କ ପିନ୍ଧି ଦେଉଛନ୍ତି।

ସୂଚନାଯୋଗ୍ୟ, କରୋନା ସଂକ୍ରମଣ ରକ୍ଷା ପାଇଁ ଘରୁ ବାହାରକୁ ଗଲେ ମାସ୍କ ପିନ୍ଧବା ବାଧ୍ୟତାମୂଳକ ବୋଲି ସରକାର କରିଛନ୍ତି। ଯେଉଁମାନେ ମାସ୍କ ପିନ୍ଧିବେ ନାହିଁ, ସେମାନଙ୍କଠାରୁ ଜୋରିମାନା ଆଦାୟ କରାଯିବ ବୋଲି କହିଛନ୍ତି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।