ଭୁବନେଶ୍ୱର (ଓଡ଼ିଶା ରିପୋର୍ଟର): ରାୟଗଡ଼ା ଜିଲ୍ଲା କାଶୀପୁରଠାରେ ଉତ୍କଳ ଭାରତ ସଭାପତି ତଥା ପୂର୍ବତନ ସାଂସଦ ଖାରବେଳ ସ୍ୱାଇଁଙ୍କ ଉପରେ ହୋଇଥିବା ହିଂସାତ୍ମକ ଆକ୍ରମଣକୁ ଦୃଢ଼ ନିନ୍ଦା କରିଛନ୍ତି ପୂର୍ବତନ ସାଂସଦ ବୈଜୟନ୍ତ ପଣ୍ଡା।
ସେ ଟ୍ୱିଟ୍ କରି କହିଛନ୍ତି, ଏବେ ସବୁଦିନେ ଏମିତି ଘଟୁଛି। ବିଜେଡି ଏବେ ଏତେ ତଳକୁ ଖସି ଯାଇଛି।
This is shocking! I strongly condemn this orchestrated violence against political leaders who dare to speak against the ruling party in Odisha.
Now an everyday occurrence, THIS is the depths to which BJD has descended??? https://t.co/f2ieMoPiAo— Baijayant Jay Panda (@PandaJay) November 24, 2018
ସେହିଭଳି ଆଉ ଏକ ଟ୍ୱିଟ୍ରେ ସେ କହିଛନ୍ତି,“କିଛି ସପ୍ତାହ ହେବ ବିଜୁ ଗୁଣ୍ଡାବାହିନୀର ଗୁଣ୍ଡାଗର୍ଦ୍ଦି ବଢ଼ିଚାଲିଛି। ରାଜ୍ୟ ସରକାରଙ୍କ ପାଣ୍ଠିରେ ପରିଚାଳିତ ବିଜୁ ଗୁଣ୍ଡାବାହିନୀ ମୋ ସମେତ ଅନ୍ୟ ନେତାଙ୍କ ସାଧାରଣ ସଭା ଭଣ୍ଡୁର କରୁଛି। ୪ ବର୍ଷ ହେଲା ଏଭଳି ହିଂସା ରାଜ୍ୟରେ ବଢ଼ିଛି। ବର୍ତ୍ତମାନ ଏହା ଶୀର୍ଷରେ ରହିଛି।”
Don't forget similar hooliganism, also repeatedly in last few weeks, by state govt funded #BijuGoondaVahini (yes, govt funded & questioned by CAG!) to disrupt public meetings by other politicians incl me.
Anti oppn pol violence in Odisha has been growing last 4 yrs, & peaking now https://t.co/lL2hyzql7v— Baijayant Jay Panda (@PandaJay) November 25, 2018
କାଶୀପୁରରେ ଚାଲିଥିବା ପଥପ୍ରାନ୍ତ ସଭାରେ ସରକାରଙ୍କ ବିରୋଧରେ ବିଷ ଓଗାଳୁଥିଲେ ଖାରବେଳ। ଭାଷଣକୁ ସେ ଫେସ୍ବୁକ୍ରେ ଲାଇଭ୍ କରୁଥିଲେ। ଠିକ୍ ଏତିକି ବେଳେ ଆସିଲେ କିଛି ଅସାମାଜିକ ଲୋକ। ପ୍ରଥମେ ନୀଳ ଟି’ ଶାର୍ଟ ପିନ୍ଧିଥିବା ସୁମନ୍ତ ନାମକ ଯୁବକ ତାଙ୍କୁ ମାଡ଼ ମାରିଥିଲେ। ଧମକାଇ ପଚାରିଥିଲେ, ସଭା କରିବାକୁ କେଉଁଠୁ ଅନୁମତି ପାଇଲ? ତା’ପରେ ଫୋନ୍ କରି ୪-୫ ଜଣ ଯୁବକଙ୍କୁ ସେ ସ୍ଥାନକୁ ଡକାଇଥିଲେ।
ଖାରବେଳଙ୍କ ପାଖକୁ ଆସି ସୁମନ୍ତ ଅତ୍ୟନ୍ତ ଅସଭ୍ୟ ଭାଷାରେ ଗାଳି ଦେଇଥିଲେ। ଆଉ ତା’ ପରେ ମାଡ଼ ମାରିଥିଲେ। ଖାରବେଳଙ୍କ ଅଭିଯୋଗ ଖୋଦ୍ ମୁଖ୍ୟମନ୍ତ୍ରୀ ଏସବୁ କରାଉଛନ୍ତି।
ପୂର୍ବରୁ ମଧ୍ୟ ଦୁଇ ଦୁଇ ଥର ପଥପ୍ରାନ୍ତ ସଭାବେଳେ ଖାରବେଳଙ୍କ ଉପରେ ଆକ୍ରମଣ ହୋଇଥିଲା। ଅକ୍ଟୋବର ୨୪ରେ ଆଳିରେ ସଭା କରୁଥିବା ବେଳେ ତାଙ୍କୁ ଆକ୍ରମଣ କରିଥିଲେ ଦୁର୍ବୃତ୍ତ। ଏଥିରେ ତାଙ୍କ ଗାଡ଼ି ବି ଭାଙ୍ଗି ଯାଇଥିଲା। ଏହାର ସାତ ଦିନ ପରେ ବାଲେଶ୍ୱରର ଖଇରାରେ ପଥପ୍ରାନ୍ତ ସଭା ବେଳେ ତାଙ୍କୁ ଆକ୍ରମଣ କରିଥିଲେ ଦୁର୍ବୃତ୍ତ।
ଦୁଇଟି ଯାକ ଘଟଣାରେ ସେ ବିଜେଡିକୁ ଦାୟୀ କରି ଥାନାରେ ଅଭିଯୋଗ କରିଥିଲେ। ଖାରବେଳଙ୍କ ଉପରେ ଏପରି ଆକ୍ରମଣକୁ ତୀବ୍ର ନିନ୍ଦା କରିଥିଲେ ବିରୋଧୀ।