ବୈଜୟନ୍ତଙ୍କ ସଂପର୍କରେ ପିନାକୀଙ୍କ ମନ୍ତବ୍ୟକୁ ଦାମଙ୍କ ନାପସନ୍ଦ: କହିଲେ, ପିନାକୀ ଦଳର ଉପକାର କରୁଛନ୍ତି ନା ଅପକାର ତାହା ଭାବନ୍ତୁ

<p>ଭୁବନେଶ୍ୱର: ଏକ ଜାତୀୟ ପତ୍ରିକାରେ ସାଂସଦ ବୈଜୟନ୍ତ ପଣ୍ଡାଙ୍କୁ ସାଂସଦ ପିନାକୀ ମିଶ୍ର ଆକ୍ଷେପ କରିବା ପରେ ଏହା ବିବାଦୀୟ ହେବାରେ ଲାଗିଛି। ଏ ପ୍ରସଙ୍ଗରେ ମନ୍ତ୍ରୀ ଦାମୋଦର ରାଉତ ପିନାକୀଙ୍କୁ ଟାର୍ଗେଟ କରିବା ସହ ତାଙ୍କ ଉପରକୁ ଅଙ୍ଗୁଳି ଉଠାଇଛନ୍ତି। ପିନାକୀ ଦେଇଥିବା ମନ୍ତବ୍ୟ, ଦଳର ଉପକାର କରୁଛି କି ଅପକାର, ସେ ନେଇ ପ୍ରଶ୍ନ ଉଠାଇଛନ୍ତି ଦାମ।</p> <p>[vc_video link=&quot;&quot; align=&quot;center&quot;]</p> <p>ବୈଜୟନ୍ତଙ୍କୁ ଦଳ ଛାଡିବା ନେଇ ପିନାକୀ ଏକ ଜାତୀୟ ପତ୍ରିକାରେ ଆହ୍ୱାନ ଦେଇଥିଲେ। ଏହାକୁ ନେଇ ଦାମ କହିଛନ୍ତି- &ldquo;ପିନାକୀ ମିଶ୍ର ଏହା କହି ଦଳର ଉପକାର କରୁଛନ୍ତି କି ଅପକାର କରୁଛନ୍ତି ତାହା କାହିଁକି ଭାବୁନାହାଁନ୍ତି।</p> <p>ପିନାକୀ ଦେଇଥିବା ସାକ୍ଷାତକାରରେ କହିଥିଲେ ଯେ, କେବଳ ଜୟ ପଣ୍ଡା ହିଁ ଜଣେ ଯିଏକି ଦଳରେ ଗୋଷ୍ଠୀ କନ୍ଦଳ ଚାଲିଥିବା କଥା କହୁଛନ୍ତି। ତାଙ୍କ ନିକଟରେ କୌଣସି ବିଧାୟକଙ୍କ ସମର୍ଥନ ନାହିଁ। ଏଥିସହ ପିନାକୀ, ବୈଜୟନ୍ତଙ୍କୁ ଦଳ ଛାଡିବାକୁ ଆହ୍ୱାନ ଦେଇଥିଲେ।</p> <p>ଏନେଇ ସାକ୍ଷାତକାର ନେଇଥିବା ସାମ୍ବାଦିକଙ୍କ ଟ୍ୱିଟ୍&zwnj; ଉପରେ ପ୍ରତିକ୍ରିୟା ରଖିଛନ୍ତି ସାଂସଦ ବୈଜୟନ୍ତ ପଣ୍ଡା। ସେ ଟ୍ୱିଟ୍&zwnj;ରେ ଉଲ୍ଲେଖ କରିଛନ୍ତି, ସେ (ବୈଜୟନ୍ତ) କେତେ ଏକୁଟିଆ, ତାହା ତାଙ୍କ ଟ୍ୱିଟର ଓ ଫେସବୁକ ଟାଇମ୍ ଲାଇନ୍ ଦେଖିଲେ ଜଣା ପଡିଯିବ।</p> <p>ଅନ୍ୟପକ୍ଷରେ ଦାମୋଦର ରାଉତଙ୍କ ମନ୍ତବ୍ୟ ଉପରେ ପିନାକୀଙ୍କ ପ୍ରତିକ୍ରିୟା ମିଳିପାରି ନାହିଁ।</p>