ଟିଟିଲାଗଡ଼: ଟିଟିଲାଗଡ ବସନ୍ତ ପ୍ରଧାନ ହାଜତ ମୃତ୍ୟୁ ମାମଲାର ବର୍ଷକ ପରେ ଜଣେ ପୋଲିସ୍ ଏସ୍ଆଇଙ୍କୁ ଗିରଫ କରିଛି ଏଚ୍ଆରପିସି। ଗିରଫ ପୋଲିସ ଏସ୍ଆଇଙ୍କ ନାଁ ମଳୟ ପଣ୍ଡା। ୨୦୧୪ ଜୁଲାଇ ୨୮ ତାରିଖ ବସନ୍ତ ପ୍ରଧାନଙ୍କ ମୃତ୍ୟୁ ହୋଇଥିଲା। ଘଟଣା ପରେ ତତ୍କାଳୀନ ବଲାଙ୍ଗିର ଟାଉନଥାନା ଅଧିକାରୀ ତାରିକ ଅହମ୍ମଦ, ଏସଆଇ ମଳୟ ପଣ୍ଡା, ଏଏସ୍ଆଇ ଅନନ୍ତ ପ୍ରଧାନ ଓ ଏଏସ୍ଆଇ ଦିଲୀପ ଡାଙ୍ଗଙ୍କୁ କାର୍ଯ୍ୟରୁ ନିଲମ୍ୱିତ କରାଯାଇ ସେମାନଙ୍କ ବିରୋଧରେ ଅଭିଯୋଗ ଦାଖଲ ହୋଇଥିଲା। ବର୍ତ୍ତମାନ ଗିରଫ ଏସ୍ଆଇ ମଳୟ ପଣ୍ଡାଙ୍କୁ ଛାଡି ଦେଲେ ଆଉ ଅନ୍ୟ ଅଭିଯୁକ୍ତମାନେ ଫେରାର ତାଲିକାରେ ଅଛନ୍ତି । ଏକ ମୋବାଇଲ୍ ଚୋରି ଘଟଣାରେ ଟିଟିଲାଗଡରୁ ବସନ୍ତ ପ୍ରଧାନଙ୍କୁ ଥାନାକୁ ଆଣିଥିଲା ବଲାଙ୍ଗିର ଟାଉନ୍ ପୋଲିସ୍। ତେବେ ତାଙ୍କୁ ହାଜତରେ ନିର୍ଯାତନା ଦିଆଯାଉଥିବା ଅଭିଯୋଗ ହୋଇଥିଲା। ପରେ ଚିକିତ୍ସିତ ଅବସ୍ଥାରେ ୨୦୧୪ ଜୁଲାଇ ୨୮ ତାରିଖରେ ତାଙ୍କ ମୃତ୍ୟୁ ହୋଇଥିଲା। ଘଟଣା ପରେ ସଂପୃକ୍ତ ପୋଲିସ୍ ଅଧିକାରୀଙ୍କୁ ଗିରଫ କରିବା ଦାବିରେ ରାସ୍ତାକୁ ଓହ୍ଲାଇଥିଲେ ଟିଟିଲାଗଡର ସାଧାରଣ ଲୋକେ। ଉତ୍ତ୍ୟକ୍ତ ଲୋକେ ଟିଟିଲାଗଡ ଥାନାକୁ ପୋଡି ଦେଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
