ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ରାଇରଙ୍ଗପୁର(ଓଡ଼ିଶା ରିପୋର୍ଟର): ମାଆ କୋଳରେ ଲାଡ୍‌ଲା। ରାଜସ୍ତାନୀ କଷ୍ଟ୍ୟୁମ୍ ପିନ୍ଧି ଆହୁରି ସୁନ୍ଦର ଦିଶୁଛି। କଅଁଳା ପୁଅକୁ କାଳେ କାହାର ନଜର ଲାଗିଯିବ ସେହି ଭୟରେ କପାଳରେ ମାଆ ଲଗାଇ ଦେଇଛି କଳା ଟୋପା। ହେଲେ ୫ ମାସର ଏହି ଶିଶୁ ଏବେ ମାଆ ଛେଉଣ୍ଡ ହୋଇଯାଇଛି। ରାକ୍ଷସ ଜେଜେ ତା’ ମାଆକୁ ଜାଳିପୋଡ଼ି ମାରି ଦେଇଛି। ରାଇରଙ୍ଗପୁରରେ ଘଟିଥିବା ଜଘନ୍ୟ ହତ୍ୟାକାଣ୍ଡ ପରେ କୁଆଡ଼େ ଗଲା ଏହି ଶିଶୁ। ମାଆ ମରିଗଲା, ବାପା ଓ ଜେଜେ ଜେଲ୍ ଗଲେ। ହେଲେ ଏହି ଧନି ମହଲରୁ ସେଦିନଠାରୁ ଗାୟବ ହୋଇଯାଇଛି ଏହି ୫ ମାସର ଶିଶୁ। ତେବେ ଅଭିଯୋଗ ଫେରାର୍ ଥିବା ଝିଅର ନଣନ୍ଦ ଓ ଶାଶୁ, ନାତିକୁ ଅପହରଣ କରି ନେଇଛନ୍ତି। ତାଙ୍କ ନାତିକୁ ସେମାନେ ଜୀବନରେ ମାରି ଦେଇଥିବା ଆଶଙ୍କା କରିଛନ୍ତି ଆଜି ଅନିତା ଅଗ୍ରୱାଲ ଓ ଦିଲ୍ଲୀପ ଅଗ୍ରୱାଲ।</p> <p>ପ୍ରଥମେ ବଳାତ୍କାର ଓ ପରେ ବୋହୂକୁ କିରୋସିନ୍ ଢାଳି ନିଆଁ ଲଗାଇ ଦେଇଥିଲା ଜହ୍ଲାଦ ଶ୍ୱଶୁର ରାମଗୋପାଳ ଖେମ୍‌କା। ଏହି ମାମଲାରେ ପୋଲିସ୍ ଅଭିଯୁକ୍ତ ଶ୍ୱଶୁର ଓ ସ୍ୱାମୀକୁ ଗିରଫ କରିଛି। ତେବେ ଘଟଣା ପରଠାରୁ ଫେରାର୍ ଅଛନ୍ତି ଶାଶୂ ଓ ନଣନ୍ଦ। ସେପଟେ ରାଇରଙ୍ଗପୁର ପୋଲିସ କହିଛି ନିଖୋଜ ନାତିକୁ ଖୋଜିବା ପାଇଁ ଗୋପାଳ ଖେମକାଙ୍କ ସମ୍ପର୍କୀୟଙ୍କ ଘରେ ରେଡ୍ ଚାଲିଛି।</p> <p>ଝିଅକୁ ନ୍ୟାୟ ଦେବା ଆଶାରେ ସୁନ୍ଦରଗଡ଼ରୁ ଭୁବନେଶ୍ୱର ଆସିଛନ୍ତି ଅସହାୟ ବାପା ଓ ମାଆ। କିଛି ମହିଳା ସଂଗଠନର ସହାୟତାରେ ନିଖୋଜ ନାତିକୁ ଖୋଜିବାକୁ ଅଣ୍ଟା ଭିଡ଼ିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
