ଦୁର୍ଘଟଣା ପରେ ପିକ୍ଅପ୍ ଭ୍ୟାନ୍ରୁ ମିଳିଲା ଏମିତି ଜିନିଷ, ଚୋରା ଚାଲାଣ ସନ୍ଦେହ
ଜଳେଶ୍ୱର(ଅଜିତ ଦାସ): ବାଲେଶ୍ୱର ଜିଲ୍ଲା ଚାଲନ୍ତି ନିକଟରେ ୬୦ ନମ୍ବର ଜାତୀୟ ରାଜପଥରେ ଏକ ଦୁର୍ଘଟଣାଗ୍ରସ୍ତ ପିକ୍ଅପ୍ ଭ୍ୟାନ୍ରୁ ଗୋମାଂସ ଜବତ କରାଯାଇଛି। ଏହି ଗୋମାଂସକୁ ପଶ୍ଚିମବଙ୍ଗକୁ ଚୋରା ଚାଲାଣ କରାଯାଉଥିବା ସନ୍ଦେହ କରାଯାଉଛି। ଦୁର୍ଘଟଣା ପରେ ପିକ୍ଅପ୍ ଭ୍ୟାନ୍ର ଡ୍ରାଇଭର ଓ ହେଲ୍ପର୍ ଫେରାର ହୋଇଯାଇଥିବା ବେଳେ ଜଳେଶ୍ୱର ପୁଲିସ୍ ଘଟଣାର ତଦନ୍ତ କରୁଛି। ଆଜି ସକାଳ ପ୍ରାୟ ସାଢ଼େ ୫ଟା ସମୟରେ ଏହି ଦୁର୍ଘଟଣା ଘଟିଥିଲା। ଭଦ୍ରକ ଆଡୁ ଆସୁଥିବା ଏହି ପିକ୍ଅପ୍ ଭ୍ୟାନ୍ଟି […]
ଜଳେଶ୍ୱର(ଅଜିତ ଦାସ): ବାଲେଶ୍ୱର ଜିଲ୍ଲା ଚାଲନ୍ତି ନିକଟରେ ୬୦ ନମ୍ବର ଜାତୀୟ ରାଜପଥରେ ଏକ ଦୁର୍ଘଟଣାଗ୍ରସ୍ତ ପିକ୍ଅପ୍ ଭ୍ୟାନ୍ରୁ ଗୋମାଂସ ଜବତ କରାଯାଇଛି। ଏହି ଗୋମାଂସକୁ ପଶ୍ଚିମବଙ୍ଗକୁ ଚୋରା ଚାଲାଣ କରାଯାଉଥିବା ସନ୍ଦେହ କରାଯାଉଛି। ଦୁର୍ଘଟଣା ପରେ ପିକ୍ଅପ୍ ଭ୍ୟାନ୍ର ଡ୍ରାଇଭର ଓ ହେଲ୍ପର୍ ଫେରାର ହୋଇଯାଇଥିବା ବେଳେ ଜଳେଶ୍ୱର ପୁଲିସ୍ ଘଟଣାର ତଦନ୍ତ କରୁଛି।
ଆଜି ସକାଳ ପ୍ରାୟ ସାଢ଼େ ୫ଟା ସମୟରେ ଏହି ଦୁର୍ଘଟଣା ଘଟିଥିଲା। ଭଦ୍ରକ ଆଡୁ ଆସୁଥିବା ଏହି ପିକ୍ଅପ୍ ଭ୍ୟାନ୍ଟି ରାସ୍ତାକଡ଼ରେ ଠିଆ ହୋଇଥିବା ଏକ କଣ୍ଟେନରକୁ ପଛ ପଟୁ ଧକ୍କା ଦେଇଥିଲା। ଏହାପରେ ସ୍ଥାନୀୟ ଲୋକେ ଓ ବଜରଙ୍ଗୀ ଦଳର ସଦସ୍ୟମାନେ ଏହା ଭିତରୁ ଗୋମାଂସ ଜବତ କରିଥିଲେ ଏବଂ ପୁଲିସ୍କୁ ଖବର କରିଥିଲେ।
ସୂଚନାଯୋଗ୍ୟ, ଏହି ପିକ୍ଅପ୍ ଭ୍ୟାନ୍ରେ ଗୋମାଂସ ଯାଉଥିବା ନେଇ ବିଜରଙ୍ଗୀ ଦଳର ସଦସ୍ୟମାନେ ଖବର ପାଇଥିଲେ ଓ ଏହାର ପିଛା କରିଥିଲେ। ଏହି ସମୟରେ ଚାଲନ୍ତିଠାରେ ପିକ୍ଅପ୍ ଭ୍ୟାନ୍ଟି ଦୁର୍ଘଟଣାଗ୍ରସ୍ତ ହୋଇଥିଲା।
