ନୂଆପଡା(ମାୟାଧର ସରାଫ): ଗାଁରେ ବୁଲୁଛି କଲରାପତରିଆ ବାଘ। ରାତିରେ ସମସ୍ତେ ଶୋଇଗଲା ପରେ ଶିକାର କରୁଛି। ଗାଁକୁ ବାଘ ଆସୁଥିବା ଖବର ପ୍ରଚାରିତ ହେବା ପରେ ଲୋକଙ୍କ ଭିତରେ ଭୟର ବାତାବରଣ ଖେଳି ଯାଇଛି। ନୂଆପଡ଼ା ଜିଲ୍ଲାରୁ ଆସିଛି ଏପରି ଖବର।
ନୂଆପଡା ଜିଲ୍ଲା କୋମନା ରେଞ୍ଜ ଧଅଁରାଭଟା ଗାଁରେ ବାଘ ଆତଙ୍କ ଦେଖାଦେଇଛି। ଶୁକ୍ରବାର ବିଳମ୍ବିତ ରାତିରେ ବାଘ ଗାଁକୁ ଆସିଥିଲା। ବାଘଟି ଗାଁର ଭୋକୋ ଜଗତଙ୍କ ଗୁହାଳରୁ ଗୋଟିଏ ବଳଦକୁ ଟାଣି ନେଇ ମାରି ଖାଇ ଦେଇଛି। ଆଜି ସକାଳେ ପରିବାର ଲୋକେ ଗୁହାଳରେ ବଳଦକୁ ପାଇନଥିଲେ। ଖୋଜାଖୋଜି କରିବା ପରେ ଘରଠାରୁ ଅଳ୍ପ ଦୂରରେ ଥିବା ପଡ଼ିଆରେ ବାଘର ମୃତଦେହ ପଡ଼ିଥିଲା।
ଖବର ପାଇ ବନ ବିଭାଗ ଗାଁରେ ପହଞ୍ଚି ତଦନ୍ତ ଆରମ୍ଭ କରିଛି। ବଳଦ ଖାଇଥିବା ବାଘଟି କଳରାପତରିଆ ବୋଲି ଜଣାପଡ଼ିଛି। ଏହି ଖବର ପ୍ରକାଶ ପାଇବା ପରେ ଗାଁରେ ଭୟର ବାତାବରଣ ଖେଳି ଯାଇଛି। ଗାଁ ଲୋକଙ୍କୁ ଜଙ୍ଗଳ ଭିତରକୁ ନ ଯିବା ପାଇଁ ବନ ବିଭାଗ ପରାମର୍ଶ ଦେଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
