ସ୍କୁଲ୍‌ ଅଟୋକୁ ଧକ୍କା ଦେଲା ଟ୍ରକ୍; ୧୧ ଛାତ୍ରଛାତ୍ରୀ ଆହତ

ବ୍ରହ୍ମପୁର: ଗଞ୍ଜାମ ଜିଲ୍ଲା ଖଲିକୋଟ ବାଉରୀ ଗଣ୍ଡାପାଲି ନିକଟରେ ଆଜି ସକାଳେ ଏକ ସ୍କୁଲ୍‌ ଅଟୋକୁ ଟ୍ରକ୍‌ ଧକ୍କା ଦେବାରୁ ୧୧ ଜଣ ଛାତ୍ରଛାତ୍ରୀ ଆହତ ହୋଇଛନ୍ତି। ଆହତ ଛାତ୍ରଛାତ୍ରୀମାନଙ୍କୁ ପ୍ରଥମେ ରମ୍ଭା ଡାକ୍ତରଖାନାରେ ପ୍ରାଥମିକ ଚିକିତ୍ସା ପରେ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଛି। ରମ୍ଭା ଥାନା ଅନ୍ତର୍ଗତ ବାଉଣୀ ଗଣ୍ଡାପଲ୍ଲୀରେ ଥିବା ଆଦର୍ଶ ବିଦ୍ୟାଳୟର ଛାତ୍ରଛାତ୍ରୀମାନେ ଏକ ଅଟୋରେ ସ୍କୁଲ୍‌ ଯାଉଥିବା ବେଳେ ଦୁର୍ଘଟଣା ଘଟିଥିଲା।