ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କେନ୍ଦ୍ରାପଡ଼ା (ଓଡ଼ିଶା ରିପୋର୍ଟର): ଆଜିଠୁ ପୁଣି ପର୍ଯ୍ୟଟକଙ୍କ ପାଇଁ ଖୋଲିଲା ଭିତରକନିକା ଜାତୀୟ ଉଦ୍ୟାନ। ବଉଳା କୁମ୍ଭୀର ଓ ପକ୍ଷୀ ଗଣନା ପାଇଁ ଜାନୁଆରୀ ୩ ତାରିଖରୁ ଏହା ବନ୍ଦ ରହିଥିଲା। ତେବେ ଆଜିଠାରୁ ଏହା ଖୋଲା ରହିବ। ପୂର୍ବଭଳି ସମସ୍ତ ନିୟମ ଲାଗୁ ହେବ ବୋଲି ରାଜନଗର ବନଖଣ୍ଡ ଅଧିକାରୀ ସୂଚନା ଦେଇଛନ୍ତି।</p> <p>ଭିତରକନିକାରେ ଗତବର୍ଷ ଅପେକ୍ଷା ଏବର୍ଷ ଉଭୟ ବଉଳା କୁମ୍ଭୀର ଓ ପକ୍ଷୀ ସଂଖ୍ୟା ବୃଦ୍ଧି ପାଇଛି ବୋଲି ବନଖଣ୍ଡ ଅଧିକାରୀ କହିଛନ୍ତି। ଗତବର୍ଷ ଏଠାରେ ୧୬ଶହ ୮୨ଟି ବଉଳାକୁମ୍ଭୀର ଥିବା ବେଳେ ଚଳିତ ବର୍ଷ ୧୬ଟି ବୃଦ୍ଧି ପାଇ ଏହା ୧୬୯୮ରେ ପହଞ୍ଚିଛି। ରାଜନଗର, ମହାକାଳପଡ଼ା, ଭିତରକନିକା ଓ ଗହିରମଥା ରେଞ୍ଜରେ ୨୦ଟି ଟିମ୍ ଓ ୫୪ଟି ସେଗମେଣ୍ଟ ଗଠନ କରାଯାଇ କୁମ୍ଭୀର ଗଣନା କରାଯାଇଥିଲା।</p> <p>ସେହିପରି ଗତ ୯ତାରିଖରେ ଗୋଟିଏ ଦିନ ପାଇଁ ବିଦେଶାଗତ ପକ୍ଷୀ ଗଣନା କରାଯାଇଥିଲା। ଏଥିପାଇଁ ୨୬ଟି ଟିମ୍ ଗଠନ କରାଯିବା ସହ ୩୮ଜଣ ଏକ୍ସପର୍ଟଙ୍କୁ ନିୟୋଜିତ କରାଯାଇଥିଲା। ଗତବର୍ଷ ଅପେକ୍ଷା ଏବର୍ଷ ୨ଟି ନୂଆ ପ୍ରଜାତିର ପକ୍ଷୀ ଓ ୩୬ ହଜାର ୬ଶହ ୬୯ଟି ଅଧିକ ପକ୍ଷୀ ଭିତରକନିକାରେ ଥିବା ଜଣାପଡ଼ିଛି। ଗତବର୍ଷ ପକ୍ଷୀ ସଂଖ୍ୟା ୭୬ ହଜାର ୨୬୮ ଥିବା ବେଳେ ଏବର୍ଷ ଏହା ୧ଲକ୍ଷ ୧୨ ହଜାର ୯୭୩ରେ ପହଞ୍ଚିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
