ଭୁବନେଶ୍ୱର: ଶୁକ୍ରବାର ସନ୍ଧ୍ୟାରେ ରାଜଧାନୀର ଦୁଇ ଦୁଇଟି ନକଲି ଗୁଟଖା କାରଖାନା ଉପରେ ଚଢାଉ କରିଛି କମିଶନରେଟ ପୋଲିସର କୁଇକ ଆକ୍ସନ ଟିମ୍। ଗୋଟିଏ ୟୁନିଟ ୩ ଅଞ୍ଚଳରେ ଥିବା ଲେପର୍ସି କଲୋନୀରେ ଚାଲିଥିବା ବେଳେ ଅନ୍ୟଟି ଚାଲିଥିଲା ଘାଟିକିଆ ଅଞ୍ଚଳରେ । କୁଇକ ଆକ୍ସନ ଟିମ୍ ଏବଂ ଖାରବେଳ ନଗର ପୋଲିସ ମିଳିତ ଭାବେ ଏହି ଚଢାଉ କରିଥିଲେ । ଲେପର୍ସି କଲୋନୀରେ ଥିବା ନକଲି ଗୁଟଖା କାରଖାନରୁ ବିପୁଳ ପରିମାଣର ଗୁଟଖା, କଞ୍ଚାମାଲ, ପ୍ୟାକେଜିଂ ମ୍ୟାଟେରିଆଲ ଓ ଦୁଇଟି ମେସିନ ଜବତ କରାଯିବା ସହ ୯ ଜଣ ଶ୍ରମିକଙ୍କୁ ଗିରଫ କରାଯାଇଛି । ସେହିଭଳି ଘାଟିକିଆରେ ମଧ୍ୟ ନକଲି ଗୁଟଖା ଓ କଞ୍ଚାମାଲ, ଦୁଇଟି ମେସିନ ଜବତ କରିବା ସହ ୧୬ ଜଣଙ୍କୁ ଗିରଫ କରାଯାଇଛି । ଏହି ସବୁ ଶ୍ରମିକ ଉତ୍ତରପ୍ରଦେଶ ଅଞ୍ଚଳର ହୋଇଥିବାବେଳେ ଦୀର୍ଘଦିନ ଧରି ଏଠାରେ କାମ କରୁଥିଲେ । ତେବେ ଜଣେ ଠିକାଦାର ସେମାନଙ୍କୁ ଏହି କାର୍ଯ୍ୟରେ ନିୟୋଜିତ କରିଥିଲେ ବୋଲି ସେମାନେ କହିଛନ୍ତି । ପୋଲିସର ଚଢାଉ ପରେ ଠିକାଦାର ଫେରାର ହୋଇଯାଇଛି । ପୋଲିସ ଏବେ ଠିକାଦାର ଏବଂ ମାଲିକକୁ ଖୋଜୁ ଥିବା କହିଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
