ପ୍ରେମ ବିରୋଧୀଙ୍କୁ ବିରୋଧ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ପ୍ରେମ ପାଇଁ ଦିନଟିଏ। ପରସ୍ପରକୁ ମନ ଦେଇଥିବା ପ୍ରେମୀ ଯୁଗଳଙ୍କ ପାଇଁ ଆଜି ଥିଲା ପ୍ରେମକୁ ନିବିଡ଼ତା କରିବାର ସୁଯୋଗ। ଆଜି ଭାଲେଣ୍ଟାଇନ ଡେ&rsquo;କୁ ବିରୋଧ ପାଇଁ ତୀବ୍ର &nbsp;ଚେତାବନୀ ସତ୍ତ୍ୱେ ଲୁଚାଛପାରେ ପାଳିତ ହୋଇଛି ଏହା। ସର୍ବସାଧାରଣ ପାର୍କ ନହେଲେ ବି, ସପିଂ ମଲ ଓ ଫିଲ୍ମ ହଲରେ ଦେଖିବାକୁ ମିଳିଥିଲା ପ୍ରେମୀ ଯୁଗଳଙ୍କୁ।&nbsp; ରାଜଧାନୀର ଅଧିକାଂଶ ପାର୍କ ଭିତରେ ଓ ବାହାରେ ଥିଲା ପୋଲିସ କଡା ପହରା। ଏମିତିକି କେତେ ପ୍ରେମୀ ଯୁଗଳଙ୍କୁ ହିନସ୍ତା ହୋଇ ଫେରିବାକୁ ପଡିଥିଲା।</p> <p>ଅନ୍ୟପକ୍ଷରେ ରାଜଧାନୀରେ ପ୍ରେମ ଦିବସକୁ ବିରୋଧ କରୁଥିବା କଳିଙ୍ଗସେନା କର୍ମୀଙ୍କୁ ପୋଲିସ ଆଗୁଆ ଗିରଫ କରି ନେଇଥିଲା। ସମ୍ବଲପୁରରେ ଭାଲେଣ୍ଟାଇନ ଡେ&rsquo;କୁ ବିରୋଧ କରି ବଜରଙ୍ଗ ଦଳ କର୍ମୀମାନେ ବାଇକ ରାଲି&nbsp; ସହ ସହର ପରିକ୍ରମା କରିଥିଲେ। ଅଇଁଠାପାଲି ଡିଅର ପାର୍କ ସହ ବିଭିନ୍ନ ପାର୍କ ବୁଲି ଭାଲେଣ୍ଟାଇନ ଡେ&rsquo;କୁ ବିରୋଧ କରିଥିଲେ।</p> <p>&lt;span style=&quot;color: #ff0000;&quot;&gt;ପ୍ରେମ ଦିବସ ବିରୋଧୀଙ୍କୁ ବିରୋଧ&lt;/span&gt;</p> <p>ପ୍ରେମ ଦିବସକୁ ବିରୋଧ କରୁଥିବା ସଂଗଠନ ଗୁଡିକୁ ଆଜି ପ୍ରବଳ ବିରୋଧର ସମ୍ମୁଖୀନ ହେବାକୁ ପଡିଛି। ମହିଳା ସଂଗଠନ ଏଆଇଡିଡବ୍ଲୁଏ ଏହି ବିରୋଧ କରିଛି। ଏମିତିକି ମଲ୍ ଭିତରେ ପ୍ରବେଶ ଉଦ୍ୟମକୁ ମଧ୍ୟ ମହିଳା ସଂଗଠନ&nbsp; ବିରୋଧ କରିବାରୁ ମୁହାଁମୁହିଁ ପରିସ୍ଥିତି ଉପୁଜିଥିଲା। କିଛି ଯୁବପିଢୀ ପ୍ରେମ ଦିବସର ବିରୋଧକୁ ନିନ୍ଦା ମଧ୍ୟ କରିଛନ୍ତି। ଏହାଛଡା ପାର୍କ ବନ୍ଦ ଯୋଗୁଁ ପାର୍କକୁ ବୁଲିବାକୁ ଆସିଥିବା କେତେକ ପରିବାର ଅସନ୍ତୋଷ ପ୍ରକାଶ କରିଛନ୍ତି।</p>