ଭୁବନେଶ୍ୱର: ଜବରଦଖଲ ଜମି ଉଚ୍ଛେଦ ପାଇଁ ଭୁବନେଶ୍ୱର ଉପକଣ୍ଠ ଝିଣ୍ଟିରେ ଥିବା ତ୍ରାହି ଅଚ୍ୟୁତ ଆଶ୍ରମକୁ ଜାରି କରାଯାଇଛି ନୋଟିସ୍। ବାଲିଅନ୍ତା ତହସିଲଦାର ଆଜି ଏହି ନୋଟିସ୍ ଜାରି କରିଛନ୍ତି। ଆସନ୍ତା ୨୯ ତାରିଖରେ ଏଠାରେ ହୋଇଥିବା ବେଆଇନ୍ ନିର୍ମାଣକୁ ଭାଙ୍ଗିବା ପାଇଁ ନୋଟିସ ଜାରି କରାଯାଇଛି। ୫୦୦ ଡିସିମିଲ୍ ସରକାରୀ ଜାଗାକୁ ଆଶ୍ରମ କର୍ତ୍ତୃପକ୍ଷ ଜବରଦଖଲ କରି ବ୍ୟବହାର କରୁଥିବା ଅଭିଯୋଗ ହୋଇଛି। ତ୍ରାହିଅଚ୍ୟୁତ ନଗର ମୌଜାରେ ୩ଟି ପ୍ଲଟରେ ଥିବା ଏହି ଗୋଚର ଜାଗା ଉପରେ ତିଆରି ହୋଇଥିବା ରାସ୍ତା, ଔଷଧ ଦୋକାନ, ଆନନ୍ଦବଜାର ଓ ପୋଷ୍ଟ ଅଫିସକୁ ଭାଙ୍ଗିବା ପାଇଁ ନୋଟିସ ଜାରି କରାଯାଇଛି। ତେବେ ଏ ନେଇ ଆଶ୍ରମ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନାହିଁ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
