ପୋଲିସ୍‌ ଓ ବିଜେପି କର୍ମୀ ମୁହାଁମୁହିଁ

<p>ଭୁବନେଶ୍ୱର: ବିଜେପି କୃଷକ ମୋର୍ଚ୍ଚାର ସଚିବାଳୟ ଚାଲ ଅଭିଯାନ ବେଳେ ପୋଲିସ୍&zwnj; ଓ ବିଜେପି କର୍ମୀ ମୁହାଁମୁହିଁ ହୋଇଛନ୍ତି।&nbsp; ଚାଷୀ ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କୁ ଭେଟିବାକୁ ଗଲା ବେଳେ ସଚିବାଳୟ ସାମ୍ନାରେ ପୋଲିସ ବ୍ୟାରିକେଡକୁ ବିଜେପି&nbsp; କର୍ମୀ ଭାଙ୍ଗିବାରୁ ଏହି ମୁହାଁମୁହିଁ ପରିସ୍ଥିତି ଉପୁଜିଥିଲା। ବିଜେପିକର୍ମୀ ମାନେ ୨ଟି ପୋଲିସ ବ୍ୟାରିକେଡକୁ ଭାଙ୍ଗି ଧସେଇ ପଶିବାକୁ ଉଦ୍ୟମ କରିଥିଲେ। ପୋଲିସ ଅନେକ ଦଳୀୟ ନେତା ଓ କର୍ମୀଙ୍କୁ ଗିରଫ କରିଛି।</p> <p>ଏହାପରେ ରବୀନ୍ଦ୍ର ମଣ୍ଡପ ସାମ୍ନା ରାସ୍ତାରେ କର୍ମୀମାନେ ବିକ୍ଷୋଭ କରୁଛନ୍ତି। ରାଜ୍ୟ ସରକାରଙ୍କ ଚାଷୀମାରଣ ନୀତି ବିରୋଧରେ ଆଜି ବିଜେପି କୃଷକ ମୋର୍ଚ୍ଚା ରାଜ୍ୟ ବିଜେପି କାର୍ଯ୍ୟାଳୟରୁ ରାଲିରେ ବାହାରି ମୁଖ୍ୟମନ୍ତ୍ରୀଙ୍କୁ ଭେଟିବାର କାର୍ଯ୍ୟକ୍ରମ ଥିଲା।&nbsp; ଚାଷୀଙ୍କୁ କୃଷି ଋଣ ଛାଡ଼, ମୁଖ୍ୟମନ୍ତ୍ରୀଙ୍କ ଘୋଷଣା ମୁତାବକ ପ୍ରତି ଚାଷୀଙ୍କୁ ଧାନ କୁଇଣ୍ଟାଲ ପିଛା ୧୦୦ ଟଙ୍କା ଲେଖାଏଁ ବୋନସ୍ ପ୍ରଦାନ &zwnj;ଆଦି ଦାବିରେ ବିକ୍ଷୋଭ କରାଯାଇଥିଲା।</p> <p>ରାଜ୍ୟ ବିଜେପି ସଭାବତି ବସନ୍ତ ପଣ୍ଡା କହିଛନ୍ତି-&ldquo;ଚାଷୀକୁ ଅଦିନିଆ ବର୍ଷା, ଚକଡ଼ା ପୋକ ଏବଂ ମରୁଡି ଦାଉରୁ ରକ୍ଷା କରିବା, ନାର୍ଯ୍ୟ ହକ୍&zwnj; ଦେବା ପାଇଁ ଭାରତୀୟ ଜନତା ଦଳ ଲଢ଼େଇ ଲଢ଼ୁଛି। ଯେତେ ଦିନ ପର୍ଯ୍ୟନ୍ତ ସସସ୍ୟାର ସମାଧାନ ହୋଇ ନ ଥିବ ଏହି ଲଢ଼େଇ ଜାରି ରହିବ। ଆଗାମୀ ଦିନରେ ଏହି ଆନ୍ଦୋଳନ ଆହୁରି ତୀବ୍ର ହେବ। ଏଥିରେ ବିଜେପି ପଛଘୁଞ୍ଚା ଦେବ ନାହିଁ।&rdquo;</p>