ଭୁବନେଶ୍ୱର(ଓଡ଼ିଶା ରିପୋର୍ଟର): ପେଟ୍ରୋଲ କମ୍ପାନୀଗୁଡ଼ିକର ବିଜ୍ଞାପନ ନାଁରେ ୫୦୦କୋଟି ଟଙ୍କା ହଡ଼ପ କରାଯାଇଛି ବୋଲି ଛାତ୍ର କଂଗ୍ରେସର ଅଭିଯୋଗ ଉପରେ ରାଜ୍ୟ ବିଜେପି କଡ଼ା ପ୍ରତିକ୍ରିୟା ପ୍ରକାଶ କରିଛି।
ବିଜେପି ରାଜ୍ୟ ମୁଖପାତ୍ର ଗୋଲକ ମହାପାତ୍ର ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି ଯେ, ଦୀର୍ଘ ୫୦ବର୍ଷ ଧରି କଂଗ୍ରସ ସରକାର ଉଭୟ ଭାରତ ଓ ଓଡ଼ିଶାକୁ ଲୁଟିଛନ୍ତିା ଜନସାଧାରଣ ପ୍ରତ୍ୟାଖ୍ୟାନ କରିବା ପରେ କଂଗ୍ରେସ ଏବେ ଔଷଧ ବିକଳରେ ତାଟିଆ କାମୁଡୁଛି। ଯେଉଁ ଦଳ ଦୁର୍ନୀତିରେ ବୁଡ଼ି ରହିଛି ସେ ଦଳକୁ ସବୁ ଘୋଟାଲା ଭଳି ଲାଗିବ। କଂଗ୍ରେସ ସରକାର ସମୟରେ ସବୁଠୁ ଅଧିକ ଦୁର୍ନୀତି ହୋଇଛି । ନିଜ ଦୋଷ ଲୁଚାଇ ଅନ୍ୟକୁ ଆଙ୍ଗୁଠି ଦେଖାଇବା ଅତ୍ୟନ୍ତ ହାସ୍ୟାସ୍ପଦ।
କେବଳ ଲୁଟିବା ଯେଉଁମାନଙ୍କର କାମ ସେମାନଙ୍କୁ ଭଲ କାମ ଦେଖାଯିବନି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ରସରକାରଙ୍କ ଜନହିତକର କାର୍ଯ୍ୟକୁ ଦେଖି କଂଗ୍ରେସ ଇର୍ଷାନ୍ୱିତ ହୋଇପଡ଼ିଛି ବୋଲି ଶ୍ରୀ ମହାପାତ୍ର କହିଛନ୍ତି।