ଭୁବନେଶ୍ୱର (ଓଡ଼ିଶା ରିପୋର୍ଟର): ରାଜଧାନୀରେ ‘କରୋନା’ ଆକ୍ରାନ୍ତଙ୍କ ସଂଖ୍ୟା ଦିନକୁ ଦିନ ବଢୁଥିବାରୁ ରାଜ୍ୟ ସରକାରଙ୍କୁ ଟାର୍ଗେଟ କରିଛି ବିଜେପି। ଭୁବନେଶ୍ୱରର ସ୍ଥିତି ଗମ୍ଭୀର, ସ୍ଥିତି ନିୟନ୍ତ୍ରଣ ବାହାରକୁ ଗଲାଣି ବୋଲି କହିଛନ୍ତି ଭୁବନେଶ୍ୱର ଜିଲ୍ଲା ବିଜେପି ସଭାପତି ବାବୁ ସିଂ।
ସେ କହିଛନ୍ତି-“ପ୍ରତିଦିନ କ୍ୱାରେଣ୍ଟାଇନ କେସ୍ ଅପେକ୍ଷା ଲୋକାଲ କେସ୍ ବଢ଼ିବାରେ ଲାଗିଛି। ଠିକ୍ରେ ସାନିଟାଇଜ ହେଉନି। କଣ୍ଟାକ୍ଟ ଟ୍ରେସିଂ ଫେଲ୍ ମାରିଛି। କୌଣସି ସରକାରୀ ଅଧିକାରୀ ଫୋନ୍ ଉଠାଉନାହାନ୍ତି।”
ଏଭଳି ଅନେକ ଅଭିଯୋଗ ଆଣି ଆଜି ବାବୁ ସିଂ ରାଜ୍ୟ ସରକାରଙ୍କୁ କଡ଼ା ଭାଷାରେ ସମାଲୋଚନା କରିଛନ୍ତି। କେନ୍ଦ୍ର ଗୃହ ମନ୍ତ୍ରଣାଳୟର ସହାୟତା କ୍ରମେ ଦିଲ୍ଲୀରେ କରୋନା ସଂକ୍ରମଣରେ ବ୍ରେକ ଲାଗିଛି। ତେଣୁ ଦିଲ୍ଲୀ ମଡେଲକୁ ଓଡ଼ିଶା ସରକାର ଆପଣାନ୍ତୁ ବୋଲି କହିଛନ୍ତି ବାବୁ ସିଂ।