ପ୍ରଥମ ଥର ପାଇଁ ଝାରସୁଗୁଡ଼ା ବିମାନ ବନ୍ଦରରେ ଓହ୍ଲାଇଲା ବୋଇଂ-୭୩୭

ଝାରସୁଗୁଡ଼ା (ଓଡ଼ିଶା ରିପୋର୍ଟର): ଆସନ୍ତା ୨୨ତାରିଖରେ ଉଦ୍‌ଘାଟିତ ହେବ ଝାରସୁଗୁଡ଼ା ବିମାନ ବନ୍ଦର। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏହି ବିମାନ ବନ୍ଦରକୁ ଉଦଘାଟନ୍ କରିବେ। ‌

ସେଥିପାଇଁ ଗତକାଲି ପ୍ରଥମ ଥର ଝାରସୁଗଡ଼ା ବିମାନବନ୍ଦରରେ ବାୟୁସେନାର ବିମାନ ବୋଇଂ-୭୩୭ ଅବତରଣ କରିଥିଲା। ଏହି ବିମାନ ନୂଆଦିଲ୍ଲୀର ଇନ୍ଦିରା ଗାନ୍ଧି ଅନ୍ତର୍ଜାତୀୟ ବିମାନବନ୍ଦରରୁ ସିଧାସଳଖ ଝାରସୁଗୁଡ଼ାରେ ଆସି ପହଞ୍ଚିଥିଲା। ଅଧଘଣ୍ଟା ରହିବା ପରେ ପୁଣି ଥରେ ଦିଲ୍ଲୀ ଫେରିଥିଲା ବୋଇଂ-୭୩୭।

ବୋଇଂ  ବିମାନରେ ଦୁଇ ଜଣ ପାଇଲଟ୍‌ଙ୍କ ସହ ବୈଷୟିକ ଅଧିକାରୀ ଥିଲେ। ସେମାନେ ଝାରସୁଗଡ଼ା ବିମାନବନ୍ଦରର ଅନୁଧ୍ୟାନ କରିଥିଲେ।